Çalakiya nobedê ya bendava Tişrînê di şeva 3'yemîn de didome

Şêniyên Bakur û Rojhilatê Sûriyeyê çalakiya xwe ya nobedê di roja 3'yemîn de bi tevlêbûna şêniyên din ên kantona Cizîrê didomîn.

10 ÇILE, 2025 20:39

NAVENDA NÛÇEYAN

Di 8'ê Çileyê de bi hezaran şênî ji hemû pêkhateyên kantonên Cizîr, Reqa, Tebqa û Firatê berê xwe da bendava Tişrînê ya ku ji aliyê dewleta Tirk a dagirker û çeteyên wê ve tê hedefgirtin.

Konvoya gel a ku berê xwe dabû bendavê ji aliyê dewleta Tirk a dagirker ve hat hedefgirtin. Di encamê de 3 sivîlan jiyana xwe ji dest da û 15 din birîndar bûn. Lê tevî wê jî konvoy gihîşt bendavê.

Îro jî bi sedan şêniyên Hesekê, Til Temir, Zirgan, Dirbêsiyê, Amûdê û Şedadê yên kantona Cizîrê gihîştin bendavê û tev li çalakiya nobedê di roja wê ya 3'yemîb de bûn.

Bendava Tişrînê û pira Qereqozaqê ji 8'ê Kanûna 2024'an ve ji aliyê dewleta Tirk a dagirker ve bi balafirên şer û bêmirov û ji aliyê çeteyên wê ve bi topan û êrişên bejayî, tên hedefgirtin.

Girêdayî wê, Hêzên Sûriya Demokratîk (QSD) hişyarî ji hilweşîna bendavê û pêkhatina kareseteke mirovî û ekolojî da.

(mh)