Biryara efûya giştî li kantona Cizîrê ket meryetê

Meclisa Gelan a Demokratîk a kantona Cizîrê rûniştina xwe ya awarte ya 16'emîn li hola Desteya Perwerdeyê ya bajarê Qamişlo li dar xist.

Di rûniştinê de hevseroketiya Meclsia Gelan a Demokratîk Hîkmet Hebîb û Ariya Mela Ehmed, endamên Meclisa Gelan a Demokratîk, hiqûqnas û rêxistinên jinan beşdar bûn.

Beşdaran biryara 13'an a sala 2024'an a efûya giştî ya bi boneya ketina rejîmê û bidawîbûna zordariya li Sûriyeyê, nîqaş kir.

Di encama nîqaşan de Meclisa Gelan a Demokratîk a kantonan Cizîrê biryara efûya giştî ya sûcên berî 8'ê Kanûna 2024'an ku ji 6 madeyan pêk tê, erê kir û da:

Di biryara efûyê de 6 made hene:

Madeya (1):

a-Ji bo tevahî cezayê binpêkirinan.

b-Ji bo tevahî cezayê sûcan.

Madeya (2):

a-Cezayê hetahetayî ji bo 15 salan tê kêmkirin.

b-Ji bo nîvê cezayê demkî yê sûcên bazirganî û çandina hişbirê.

c-Ji bo tevahî cezayên demkî yên sûcên din de

d-Ji bo tevahî cezayê muebedê û demkî yên têkildarî kesên xwedî nexweşên giran.

h-Ji bo cezayê demkî ya der barê kesê 70 sal temam kiriye.

Madeya (3):

Ji biryara efûyê ev tên dûrxistin.

a-Sûcên terorê yên li gorî biryara (7) a sala 2021'an.

b-Sûcên li dijî armancên Rêveberiya Xweseriya Demokratîk a Herêma Bakur û Rojhilatê Sûriyeyê yên di madeyên 131 heta 148 ji qanûna cezayan a (2) a sala 2023'yan de hene.

c-Sûcên tecawizkirina cinsî û kiryarên derexlaqî û tecawizkirina cinsî li dijî zarokan.

b-Sûcên bazirganiya mirovan û organên laşên mirovî.

d-Kesên ji edaletê reviyane ji efûyê bê par in. Lê ger li herêmên Rêveberiya Xweser bin divê di nava 60 rojî de û ger li derveyî herêmê bin divê di nava 90 rojî de xwe radest bikin û ji efûyê tên efûkirin.

Madeya(4):

Bi berçavgirtina madeyên (1) û (2) divê ji vê biryarê sûd were girtin:

a-Girtî ji vê biryarê sûd wernagere heta pereyên lê hatine birîn dide yan jî dixe sendoqa Desteya Rêveber a Dîwana Edaleta Civakî yan jî berdêleke milkiyetê ya guncaw bide.

b-Di giliyan de kesê lê doz hatiye vekirin de ji vê biryarê sûd wernagire heta mafê takakesî tê betalkirin an jî pere dide yan jî eqarî be.

c-Divê di sûcên qetilkirinê de mafê takakesî were betalkirin.

h-Divê mafê takakesê ya sûcên dizîna bi tundiyê were betalkirin.

Madeya (5):

a-Dozgeriya Giştî komîteyeke tenduristiyê ji bo sûcdarên ku sûd ji madeya (2) wergirtine, ava dike. Ew jî li gorî daxwazeke fermî ji aliyê parêzer ve di heyama 30 rojan de.

b-Raporên komîteya tenduristî ji aliyê Dozgeriya Giştî ve tên erêkirin.

Madeya (6):

Ev biryar ji dema dayîna wê de ji hêla Meclisa Gelan a kantona Cizîrê ve dikeve partîkê.

Hevseroka Meclisa Gelan a Demokratîk a kantona Cizîrê Ariya Mihemed destnîşan kir ku ji dema dayîna biryarê de ew dikeve pratîkê û ji îro ve dîwanên edaletê dê dest bi lêkolîna li ser daxwazan bikin û dê lîsteyên sûd ji efûyê yên Meclisa Gelan wergirtine werin şandin.

(mh/fr)

ANHA