Bi hezaran cenzeyên Hêva û Dilawer  El Erebo spartin axê

Bi hezaran şêniyên kantona Ciîrê îro cenazeyên Endama Kordînasyona Kongra Star Hêva El Erebo (Saliha Viyan) û endamê Partiya Yekîtiya Demokratîk Dilawar El Erebo (Hogir Dirbêsiyê) ku roja 27`ê Çileyê di encama êrişa dewleta Tirkiyeyê ya dagirker li herêma Ranya ya başûrê Kurdistanê şehîd bûbûn, oxir kirin.

Şêniyan cenazeyên her du şehîdan ji Meclîsa Malbatên Şehîdan a bajarê Dirbêsiyê rakirin û bi meşeke girseyî ber bi goristana şehîd Rûstem Cûdî ya li gundê Berkevirê ve ketin rê.

Merasîm bi deqeyeke rêzgirtinê dest pê kir, pişt re endama Kordînasyona Kongra Star Şîraz Hemo axivî û diyar kir ku êrişa li dijî her du şehîdan Salîha û Hogir, êrişa li dijî jinan û ciwanan e, bi armanca têkbirina têkoşîna ji bo azadiyê.

Her wiha bang li gelan kir: "ku li ser rêya şehîdan têkoşîna xwe bilind bikin û li dijî plan û komkujiyên dewleta Tirkiyeyê ya dagirker ên li dijî gelan li ber xwe bidin. "

Endamê Kongreya Îslama Demokratîk Amar El Qadirî diyar kir ku ciwan û jinên herêmê ji bo parastina xaka xwe tiştên herî bi nirx feda dikin.

Bavê şehîd Salîha û apê şehîd Hogar jî axivîn û destnîşan kirin ku şehîd berdêla azadiyê ne û banga yekitiya neteweyî ya gelê Kurd kirin, her wiha  ji azadiya fîzîkî ya Rêber Abdullah Ocalan banga bilindkirina têkoşînê kirin.

Piştî ku belgeyên her du şehîdan hatin xwestin û radestî malbatên wan hete kirin, cenazeyên her du şehîdn di nava tilîliyên dayikan û durişmên dilsoziya bi şehîdan re spartin axê.

(k)