Bi hezar Cizîriyan şehîd Tekîn Goyî oxir kir

Bi hezaran xelkê kantona Cizîrê cenazeyê fermandar Îsmat Uver (Tekîn Goyî) li Goristana Şehîd Xebat Dêrik a bajarê Dêrikê oxir kir.

ROJANE

31 tebax, 2024 19:03

QAMIŞLO

Xelkê kantona Cizîrê cenazeyê fermandar Îsmat Unver ji pêş Nexweşxaneya Şehîd Hogir a Dêrikê wergirt û ber bi Goristana Şehîd Xebat ve bir.

Fermandar Îsmat Unver (Tekîn Goyî) di beşa tenduristiyê ya Qamişloyê de dixebitî. Di 19ˊê Tebaxê de bi balafireke bêmirov a dewleta Tirk a dagirker şehîd bû.

Beşdaran wêneyên şehîd Tekîn hildan û diruşmên silavkirina şehîdan berz kirin.

Di merasîmê de hevserokê Meclisa Malbatên Şehîdan a Kantona Cizîrê Mahsûm Hesen li hember êrişên dewleta Tirk a dagirker banga xurtkirina têkoşînê kir û got li ser rêça şehîd Tekîn bimeşin.

Endama rêveber a Tevgera Civaka Demokratîk (TEV-DEM) Rûken Ehmed bal kişand ser hezkirina şehîd Tekîn Goyî ji welat û gelê xwe re û girêdana xurt bi felsefeya Rêber Abdullah Ocalan û fedakariya şehîdan û wiha got: "Şehîd Tekîn civak û gelekî azad a li ser jiyana hevbeş û ewleh dixwest."

Hevserokê Desteya Tenduristiyê Dr.Memo Xelîl got ew bi metoda şehîd Tekîn Goyî heta pêkanîna serketinê girêdayî ne.

Di dawiyê de wesîqeya şehadetê hat xwendin û radestî malbatê hat kirin.

(fr)