Bi boneya 25’ê Mijdarê de turnovaya futbolê ya jinên ciwan

Desteya Ciwan û Werzîşê bi boneya 25’ê Mijdarê Roja Têkoşîna li dijî Tundiya li ser Jinan, turnovayeke futbolê ya jinên ciwan bi rêxistin kir.

JIN

28 mijdar, 2025 14:55

QAMIŞLO

Di çarçoveya çalakiyên 25’ê Mijdarê Roja Têkoşîna li dijî Tundiya li ser Jinan de û bi armanca xurtkirina jinan di werzîşê de Desteya Ciwan û Werzîşê ya Kantona Cizîrê turnovayeke futbolê li dar xist.

Turnova bi dirûşma "Na ji tundiya li ser jinan" li stadyuma girtî ya Parka Azadî ya bajarê Qamişloyê hat lidarxistin. Tîmên Peyman, Strêk, Asyîşa Qamişlo, Serdem a Hesekê, Amûdê beşdarî turnovayê bûn. Her wiha dibistana Nimûr a Tekwando û tîmên Asyîş û Ciwanên Şoreşger ên karateyê jî hunerên xwe pêşkêş kirin.

Beriya ku maç dest pê bike, cîgira Meclisa Rêveber a Kantona Cizîrê Hemrîn Elî axivî û diyar kir ku beşdariya jinên ciwan di qada werzîşê de bi xwe şoreşeke. Her wiha anî ziman ku ev turnover encama destkeftiyên şoreşa jinan a Bakur û Rojhilatê Sûriyeyê ye.

Piştî axaftinê dibistana Nimûr a Tekwando û tîmên Asyîş û Ciwanên Şoreşger ên karateyê jî hunerên xwe pêşkêş kirin. Di navbera tîmên futbolê de maç hatin lîstin.

Di dawiyê de tîmên fubolê, tekwando û karateyê hatin xelatkirin.

(bb)

ANHA