Bajarê pîşesaziyê yê Kobanê sala bê dikeve xizmetê

Xebatên hevbeş ên Odeya Pîşesazî û Bazirganiyê ya Tevgera Civaka Demokratîk (TEV-DEM) a Kantona Firatê û Şaredariya Gel ên ji bo temamkirina projeya bajarê pîşesaziyê yê Kobanê berdewam dikin.

Proje li başûrê Kobanê ye, bi qasî 3 kîlometreyan dûrî navenda bajêr e. armanc avakirina projeyê ew e ku ji bo karên pîşeyî yên mîna sererastkirina otomobîlan cihekî li deveyî bajêr were veqetandin. Di encamê de dê qelebalixa bajêr kêm bibe û avahîsazî bi rêkûpêk bibe.

Cîgirê hevserokên Şaredariya Gel a Kobanê Hecî Ehmed diyar kir ku xebatên li ser projeyê berî 5 salan dest pê kirine. Heta niha torên avê temam bûne, di heman demê de endezyar niha li ser pêkanîna torên elektrîkê û çêkirina depoyeke avê ji bo pêkanîna hewcedariyên projeyê dixebitin.

Di projeyê de dê 800 dikan werin avakirin. Niha xebat ji bo danîna torên kanalîzasyonê û asfaltkirina rêya ku ber bi bajarê pîşesaziyê ve diçe, berdewam dike.

Hecî Ehmed da zanîn kir ku proje dê sala bê temam bibe û bikeve xizmeta pîşesazan. Ehmed ji xwediyên dikanan xwest deynên li ser wan bidin da ku proje di demeke kurt de temam bibe.

(k)

ANHA