‘Ala berxwedanê dê bi dirûşma Jin, Jiyan, Azadî hildayî bimîne’

Rêxistin û komeleyên jinên Kurd ên Lubnanê hedefgirtina jinên rojnamevan ji aliyê dewleta Tirk a dagirker ve, şermezar kir. Rêxistinan diyar kir ku "ala berxwedanê dê bi dirûşma Jin, Jiyan, Azadî her tim hildayî bimîne".

27 tebax, 2024 11:53

NAVENDA NÛÇEYAN

Rêxistin û komeleyên jinên Kurd ên li Lubnanê têkildarî hedefgirtina rojnamevanan li Silêmaniyê ji aliyê dewleta Tirk ve, daxuyanî da.

Di daxuyaniyê de hate diyarkirin ku armanca êrişên dewleta Tirk a dagirker ên li dijî rojnamevanan, bêdengkirina rastiyê û dengê azad e ku sûcên dewleta Tirk a faşîst ên li dijî Kurdistanê û gelê Kurdistanê aşkera dikin. Her wiha lawaziya rêveberî û ewlehiya Başûrê Kurdistanê û dewleta Iraqê nîşan dide.

Di daxuyaniyê de êrişa li ser rojnamevanan hate şermezarkirin û hate diyarkirin ku ev êriş vîna jinên azad naşikînin. Her wiha hate gotin dewleta Tirk dijminê rojnamevan û jinan e, ji ber ku her du jî rûyê wê yê rastîn aşkera dikin.

Di daxuyaniyê de hate diyarkirin ku têkoşîna jinan li hember sûc û êrişên hovane berdewam e û dê bi dirûşma "Jin, Jiyan, Azadî" her tim hildayî bimîne.

(şx)

ANHA