8 firne li Dêrazorê nan ji şêniyan re peyda dikin

Ji bo pêkanîna biryarên Kongreya Xurtkirina Ewlehî û Îstqrarê li Dêrazorê ku 22`yê Cotmeha 2023`yan li dar ketiye, Komîteya Aboriya Civakî ya Rêveberiya Xweseriya Demokratîk a kantona Dêrazorê 8 firne li kantonê vekirin. 

Li rojavayê kantonê, komîteyê 4 firne vekirin. Firneya El Teqwa ku kapasîteya wê rojane tonek û 650 kîlogram nan e, firneya Koperatîfa Kagehan ku nan ji hezar û 500 niştecihên herêma Meîzîle û El Izbe re peyda dike û kapasîteya wê 3 ton û 400 kîlogram e.

Komîteyê firneya Koperatîf a li gundê Hemar El Kesra ji nû ve vekir ku kapasîteya wê rojane 2 ton û 500 kîlogram e û nan ji derdora 10 hezar kesî re peyda dike. Firneya Koperatîfa El Fatimê ku kapasîteya wê 4 ton û 800 kîlogram e û nan ji derdora 17 hezar şêniyan re peyda dike.

Li bakurê kantonê jî, komîteyê 4 firne vekirin. Firneya El Sor ku kapasîteya wê ya rojane 4 ton û 500 kîlogram e û nan ji 26 hezar kesî re peyda dike. Firneya Koperatîfa Herêma El Hasîn ku rojane 950 kîlogram nan ji 3 hezar û 400 şênî re peyda dike.

Her wiha komîteyê firneya Koperatîfa El Fetwa jî vekir ku kapasîteya wê ya rojane hezar û 800 kîlogram e. Firneya El Dehle ku kapasîteya wê 2 ton û 500 kîlogram e û nan ji 5 hezar û 400 şênî re peyda dike. 

Hevseroka Komîteya Aboriya Civakî ya kantona Dêrazorê Meryem El Hemîdî got: "Di çarçovaya pêkanîna biryarên Kongreya Xurtkirina Ewlehiyê û Îstiqrarê ku li Dêrazorê li dar ketiye de, 8 firne hatin vekirin ji bo ku nan ji şêniyan re bê peydakirin."

Li gorî Meryem, firneyên ku hatine vekirin barên şêniyan di peydakirina nan de sivik kir û got: "Gilî kêm bûne, xebat tê meşandin ji bo ku kalîteya nan baş bibe. Şopandina kalîteya ard, nan û xebitandina firneyên koperatîfan berdewam in."

Komîteya Aboriysa Civakî plansaziyan ji bo pêşerojê, dinirxîne. Meryem aşkera kir ku di nava plansaziyê de, vekirina hingar, kargehên mast, penêr, savar û batarî hene.

(şx)

ANHA