Çalakiyên li hember tecrîdê berdewam in

Li hember tecrîda girankirî ya ku dewleta Tirk a dagirker li dijî Rêber Abdullah Ocalan ferz dike, çalakiyên şermezarkirinê li gelek herêman li dar dikev.

Di vê çarçoveyê de Tevgera Ciwanên Şoreşger a Sûriyeyê bi koordîneya Saziyên Sivîl ên navçeya Dirbêsiyê çalakiya konvedanê li çerxerêya Jin a li naverasta bajêr li dar xist.

Îro rêxistinên jinan, endamên Partiya Yekitiya Demokratîk (PYD), Tevgera Civaka Demokratîk (TEV-DEM) û şêniyên navçeyê tev li çalakiyê bûn.

Hevserokê Meclisa Bajarokê Til Kermî Danyel Şêxî axivî û got: “Bi saya raman û felsefeya Rêber Abdullah Ocalan a biratiya gelan, pêkhateyên herêmê di nav ewlehiyê û aramiyê de ne.”

Danyel li hember tevahî aliyên li dijî vê projeyê ne banga berxwedanê û birêxistinkirinê li ser bingeha projeya neteweya demokratîk, kir.

Danyel tecrîda li ser Rêber Abdullah Ocalan şermezar kir û soz da ku şopdarên raman û felsefeya wî bin û azadiya wî ya fîzîkî pêk bînin.

Çalakiya konvedanê wê heta du rojan berdewam bike. Wê şaneyên gelek sazî û meclisên navçeyê tev lê bibin û dê bi xwepêşandanekê bi dawî bibe.

(şx)

ANHA