Şêniyên Reqa: Li dijî êriş û fitneyan em bi QSD′ê re ne

Şêniyên Reqa, gundewar, endamên saziyên Sivîl duh meşeke girseyî ji bo piştgiriya QSD′ê di pêkanîna îstîqrarê li herêmê de li dar xistibû.

Cîgirê Desteya Hevserokatiyê ya Meclisa Sivîl a Reqayê Ebduselam Hemsork axivî û wiha got: "Em ê li kêlek hêzên xwe QSD′ê bin ku wan herêm ji terorê rizgar kir û bi rêya Operasyona ′Xurtkirina Ewlehiyê′ piştî bûyern dawîn li Dêrazorê ewlehî û îstîqrar li herêmê pêk anî."

Hemsork wiha domand: "QSD′ê di çarçoveya bersivdana banga şêniyên Dêrazorê de û ji bo serdegirtina şaneyên DAIŞ′ê, bazirganên hişbirê û sûcdaran Operasyona ′Xurtkirina Ewlehiyê′ da destpêkirin û ewlehî li herêmê vegerand."

Li aliyekî din jî endamê Meclisa Giştî ya Meclisa Sivîl a Reqayê Izedîn Şêxo wiha got: "Şêniyên Reqayê ji bilî QSD′ê tu hêzekê qebûl nakin. Em ê li hember komployên rejîma Sûriyeyê û MÎT′a Tirk bisekinin."

Şêxo wiha domand: "QSD′ê yekane hêza li dijî planên terorê yên li dijî Bakur û Rojhilatê Sûriyeyê ye. Em ê li hember aliyên hewl didin fitneyan di nava pêkhateyan de derxin bisekinin."

Her wiha hevserokê Meclisa Giştî ya Reqayê Luey El Îsa fedakariyên QSD′ê û serkeftina wê pîroz kir.

El Îsa wiha gotina xwe bi dawî kir: "Em şêniyên Reqa û xelkê eşîran QSD′ê nûnertiya me dike. Em ê bi hev re heta serkeftinê û pêkanîna ewlehiyê li tevahî herêmên Bakur û Rojhilatê Sûriyeyê bisekinin. Divê tevahî şênî Ii dora QSD′ê bin."

(fr)

ANHA