Şehîd Ednan Hisên li Hesekê hat oxirkirin

Şervanê Hêzên Erka Xweprastinê Ednan Meter Hisên (Lorens Hesekê)  23'yê Tebaxê dema li ser wezîfeya xwe bû, şehîd bû.

Bi sedan şêniyên bajar û gundewarê Hesekê cenazeyê şehîd Endnan Meter Hisên bi merasîmekê li Goristana Şehîd Dijwar a li gundê Dawudiyê spart axê.

Girseya şêniyan cenazeyê şehîd ji ber avahiya Meclisa Malbatên Şehîdan a bajarê Hesekê wergirt û bi karwanekî ber bi goristanê ve çû.

Merasîm bi deqeyeke rêzgirtin dest pê kir, piştre endamê Meclisa Malbatên Şehîdan a Hesekê Mehmûd Cewad axivî û got: "Şehîdên me ji bo parastina pêkhateyan ji terorê û di oxira ku gel ewle û bi rûmet bijî de canê xwe feda kir."

Mehmûd soz da ku ew ê xeta şehîdan bişopînin heta tevahî herêmên dagirkirî ji dewleta Tirk û çeteyên wê rizgar bikin.

Ji fermandarên Melcisa Leşkerî ya bajarê Hesekê Demhat Hesekê bal kişand ser berxwendana gel a di Şoreşa Rojava de û diyar kir ku bi vê berxwedanê gelên herêmê ji zulm û koletiyê rizgar bûn û terora DAIŞ'ê li tevahî Bakur û Rojhilatê Sûriyeyê hat têkbirin.

Demhat Hesekê di dawiyê de got: "Ji vî cihê pîroz em soz didin tevahî şehîdên xwe ku em ê heta dawiyê şopdarên xeta wan bin."

Piştî axaftinan endama Meclisa Malbatên Şehîdan a Hesekê Guljîn  Ehmê wesîqeya şehadetê ya şehîd  xwend û radestî malbata wî kir.

Cenazeyê şehîd bi dirûşman û tilîliyên dayikan hat veşartin.

(bb)

ANHA