​​​​​​​Şehîd Ciwan Îbrahîm hat oxirkirin

Endamê Polîsên Trafîkê yê Hêzên Ewlekariya Hundirîn Ciwan Îbrahîm 2'yê Hezîranê dema erka xwe bi cih dianî, şehîd bûbû. Endamên saziyên sivîl, Meclisa Malbatên Şehîdan, PYD, TEV-DEM, Kongra Star û Hêzên Ewlekariya Hundirîn, bi sedan şêniyên Qamişlo bi merasîmekê cenazeyê şehîd Ciwan Îbrahîm li Goristana Şehîd Delîl Saroxan veşart.

Di merasîmê de endamê Meclisa Malbatên Şehîdan a Qamişloyê Ubeyd Etê axivî, tevahî şehîdên azadiyê bi bîr anîn.

'ŞOREŞA BI PÊŞENGIYA ŞEHÎDAN DÊ TEQEZ BI SER BIKEVE'

Ubyed Etê bal kişand ser rola şehîd Ciwan Îbrahîm di parastina destkefityên şoreşê de û got: "Di pêkanîna erka xwe ya welatparêzî de tawîz neda. Şoreşa bi pêşengiya jinan dê teqez bi ser bikeve."

Ji rêveberên Hêzên Ewlekariya Hundirîn a Bakur û Rojhilatê Sûriyeyê Elî Hesen jî got: "Axa welat bi xwîna şehîdan hatiye avdan da ku mîsoger û bi rûmet bimîne."

El Hesen bang li gelê Bakur û Rojhilatê Sûriyeyê kir ku xwedî li destkeftiyên şehîdan derkevin.

Di dawiya merasîmê de wesîqeya şehadetê ya şehîd Ciwan Îbrahîm hat xwendin û radestî malbata wî hate kirin û cenazeyê şehîd hat veşartin.

(bb)

ANHA