Şêniyên Helebê tecrîda li ser Rêber Abdullah Ocalan şermezar kir

Yekitiya Jinên Ciwan a Helebê ji bo şermezarkirina tecrîda li ser Rêber Abdullah Ocalan xwepêşandanek li dar xist û soz da ku tola Rêber Abdullah Ocalan hildin û azadiya wî ya fîzîkî bi dest bixin.

Bi sedan endam û nûnerên partiyên siyasî û saziyên sivîl li rojhilatê taxa Şêxmeqsûd kom bûn û dest bi xwepêşandanê kir.

Xwepêşandan li ber çerxerêya Zeytûn a taxa Eşrefiye rawestiya û veguherî mitingê.

Di mitingê de rêvebera Yekitiya Jinên Ciwan a Helebê Hêva Bekir destpêka hemleya pêkanîna azadiya fîzîkî ya Rêber Abdullah Ocalan a bi dirûşma "Jin Jiyan Azadî… ser bixe azadî" ragihand.

Hêva Bekir wiha axivî: "Ji 25 salan ve desthilata Tirk a dagirker tecrîdeke giran li ser Rêber Abdullah Ocalan ferz dike ku ji 2 salan ve me tu agahî jê negirtine. Îro jî qedexeya hevdîtina wî bi malbat û parêzerên wî re ji bo 6 mehên din hat dirêjkirin."

Hêva Bekir destnîşan kir ku armanca dewleta Tirk a dagirker ew e ku gelê Kurd di şexsê Rêber Abdullah Ocalan de qir bike û got: "Em ê li hember kiryarên dewleta Tirk a dagirker ên li dijî Rêber Abdullah Ocalan bêdeng nemînin û em ê tola wî hildin."

Xwepêşandan bi siloganên "Bê Serok jiyan nabe" bi dawî bû.

(mh/şx)

ANHA