Rêveberiya Xweser 161 welatiyên xwe ji Sûdanê derxistin

Piştî hewldanên Rêveberiya Xweser ên derxistina welatiyên xwe, 161 welatiyên Bakur û Rojhilatê Sûriyeyê ku li Sûdanê asê mabûn, vegerîn welat. Hewldan ji bo vegerandina welatiyên din didomin.

NÛÇE

22 gulan, 2023 08:44

QAMIŞLO

Rêveberiya Xweser a Bakur û Rojhilatê Sûriyeyê beşa yekemîn a welatiyên xwe yên li Sûdanê asê mabûn, vegerand.

Di beşa yekemîn de 161 welatî, tevî zarok û jinan ên ji hemû herêmên Rojava, Bakur û Rojhilatê Sûriyeyê hene.

Rêveberiya Xweser di 27′ê Nîsabê de ragihandibû ku komîteyeke ji bo vegerandina welatiyên Bakur û Rojhilatê Sûriyeyê li Sûdanê asê mane, ava kir.

Endamê komîteyê Mistefa Balî li balafirgeha Qamişloyê ew welatî pêşwaz kirin.

Li gorî Mistefa Balî hîna zêdetirî hezar welatiyên Bakur û Rojhilatê Sûriyeyê li Sûdanê asê mane û dê Rêveberiya Xweser beş bi beş wan vegerîne.

Li Sûdanê şer di navbera artêşê ya bi serkêşiya Ebdulfettah El Buran û Hêzên Piştevaniya Lezgîn a bi serkêşiya Mihemed Hemdan Deqlo de ji 15′ê Nîsan ve dewam dike. Heta niha nêzî hezar kuştî hene û nêzî milyonek welatî revîne dewletên cîran.

(fr)

ANHA