Ciwanên Qamişlo banga azadiya fîzîkî ya Rêber Abdullah Ocalan kir

Tevgera Ciwanên Şoreşger a Sûriyeyê di 8'ê vê mehê de hemleya "Bi ruhê apoyî xwe nû bikin û cenga azadiyê bi ser bixin" dest pê kir. Di çarçoveya wê hemleyê xwepêşandanên girseyî li seranserî Bakur û Rojhilatê Sûriyeyê li dar ketin. Di wan de tecrîda li ser Rêber Abdullah Ocalan hat şermezarkirin û soza domandina têkoşînê heta pêkanîna azadiya wî ya fîzîkî hat dayîn.

Di berdewamiya wê hemleyê de, Tevgera Ciwanên Şoreşger a Sûriyeyê û Yekitiya Jinên Ciwan a Qamişlo meşeke bi maşeleyan li dar xist.

Meş ji pêşiya Navenda Çand û Hunerê ya Mihemed Şêxo ya Qamişlo dest pê kir û ber bi çerxerêya Osman Sebrî ve bi rê ket.  Di meşê de pankartên "Dem dema azadiyê ye" û "Azadî ji bo Rêber Ocalan" û "Bê Serok jiyan nabe" hatin hildan.

Li wir, rêveberê ciwanên Partiya Yekitiya Demokrarîk (PYD) ya Qamişlo Gîvara Esed bal kişand ser rola ciwanan di vê qonaxê de û got: "Divê hemû ciwan hişyar bin û li gor vê qonaxê tevbigerin. Em bang li ciwanên Kurdistanê dikin ku helwesta xwe ya di vê hemleya me de bidomînin û tecrîda li ser Rêber Abdullah Ocalan têk bibin."

 (mh/şx)

ANHA