​​​​​​​Cenazeyê şehîd Ebdulhemîd Cemîl Derwîş li Dirbêsiyê hat oxirkirin

Bi sedan şêniyên navçeya Dirbêsiyê ya kantona Hesekê tev li merasîma oxirkirina şervanê Hêzên Sûriyeya Demokratîk (QSD) Ebdulhemîd Cemîl Derwîş bû ku li Goristana Şehîd Rustem Cûdî ya navçeyê hate lidarxistin.

Şehîd Ebdulhemîd di 30'yê Nîsanê de dema ku erkê xwe yê leşkerî li navçeya Eyn Îsayê ya herêma Firatê pêk dianî, şehîd bû.

Di merasîmê de hevseroka Meclisa Malbatên Şehîdan a Dirbêsiyê Edle Misto soz da şehîd Ebdulhemîd û hemû şehîdan ku em rêya wan bişopînin û serkeftinê pêk bînin."

Her wiha, ji fermandarên Meclisa Leşkerî ya Amûdê Umran Orkêş axivî û got: "QSD'ê ji bo pêkanîna azadiyê li herêmê tê dikoşe. Em soz didin şehîd Ebdulhemîd û malbata wî ku em rêya wan heta pêkanîna armancên wan bişopînin."

Bi navê malbata şehîd, apê şehîd Ekrem Derwîş axivî û soza şopandina rêya şehîdan da.

Di dawiya merasîmê de wesîqeya şehadeta şehîd ji aliyê endama Meclisa Malbatên Şehîdan a navçeyê Îman Dadûş ve hat xwendin û ji bo malbata wî hat radestkirin, piştre cenazeyê şehîd di nav tilîliyên dayîkan de hat veşartin.

(mh/şx)

ANHA