Hefteya Wêjeyî ya Kobanê romana Kurdî gotûbêj kir

Di 29'ê Nîsana borî de Hefteya Wêjeyî – Dewreya Melayê Cizîrî dest pê kiribû. Di roja yekemîn û duyemîn a hefteyê de, gelek rewşenbîr, helbestvan û hezkiriyên wêjeyê yên ji Bakur û Rojhilatê Sûriyeyê beşdarn.

Di du rojên destpêkê de nasname û felsefeya Melayê Cizîrî, nasnameya kurdî di berhemên wî de hatin gotubêjkirin, çîrok û helbest bi zimanên kurdî û erebî hatin xwendin. tê de rewşenbîr, helbestvan û wêjevanên Bakur û Rojhilatê Sûriyeyê beşdar bûn.

Di rojên yekemîn û duyemîn de nasname û felsefeya Melayê Cizîrî û nasnameya Kurdî ya di berhemên wî de hatin pênasekirin û çîrok û helbest bi zimanên Kurdî û Erebî hatin xwendin.

Di roja sêyemîn de, mijara romana Kurdî hat nîqaşkirin. Der barê wê de nivîskarê Kurd Merwan Berakat semînerek da û tê de bal kişand ser girîngiya wêje, zimên û rastiya romana Kurdî û got: "Hin kes dibêjin ku romana Kurdî tune ye, lê belê ew heye. Kiryarên hikumetên dagirker ên Kurdistanê dagir kirine û qedezkirina zimanê kurdî, bandor li wêjeyê û hemû cureyên wê kir."

Berakat wiha domand: "Romana Kurdî kêm ji bo zimanên din tên wergerandin, ji ber wê jî romana Kurdî tenê di çarçoveya civaka Kurdî de dimîne û derbasî cîhanê nabe. Ez bi hêvî me ku navendên wêjeyî yên Kurdî bên avakirin û gavên baş bên avêtin."

Piştre beşdaran li ser agahiya ku Berakat parve kiriye ku romana kurdî ya yekem a nivîskar Ereb Şemo ya binavnîşan “Şivanê kurd” e û gelek mijarên din nîqaş kirin.

Di beşa duyem a roja sêyemîn de Ebdulselam Xoce û Dijwar Zagros helbestên Kurdî û Cela Hemzawî û Fîdan Mihemed helbestên Erebî xwendin.

Tê payîn ku Hefteya Wêjeyî heta sibe bi nîqaşkirina mijara pêşketina romanê di salên dawîn de bidome.

(mh/şx)

ANHA