Li Qamişlo 80 şehîd hatin bibîranîn

Bi sedan şêniyên kantona Qamişlo 80 şehîdên herêmê bi bîr anîn û soz dan ku rêya şehîdan berdewam bikin ji bo ku jiyaneke bi rûmet, azad, wekhev û azadiya fîzîkî ya Rêber Abdullah Ocalan pêk bînin.

NÛÇE

30 nîsan, 2023 13:57

QAMIŞLO

Meclisa Malbatên Şehîdan a navçeya Girkê Legê ya kantona Qamişlo ji bo bîranîna 80 şehîdan merasîmek li dar xist ku di dem û cihên cuda de di mehên Çile, Sibat, Adar û Nîsanê de şehîd bûne.

Merasîm li hola Navenda Çand û Hunerê ya Aram Tîgran hat lidarxistin. Di merasîmê de gel bi girseyî, malbatên 80 şehîdan, nûnerên partiyên siyasî û saziyên civaka sivîl û endamên Meclisa Malbata Şehîdan beşdar bûn.

Di serî de Seroka Meclisa Jinan a Meclisa Malbatên Şehîdan a Herêma Cizîrê Cewahir Îbrahîm bal kişand ser rola şehadetê di dîroka gelên berxwedêr de û di pêkanîna armanc û hêviyên wan de û got: "Bi saya fedakariya şehîdan û berxwedaniya wan a li hember êrişên li dijî herêmê em gihîştin roja me ya îro. Ji ber wê jî divê em rêya şehîdan bişopînin û ber bi avakirina welateke azad û jiyaneke birûmet ve biçin."

Cewahir teqezî bi girîngiya şopandina rêya şehîdan ji bo pêkanîna jiyaneke birûmet û wekhev û pêkanîna azadiya fîzîkî ya Rêber Abdullah Ocalan, kir.

Piştre, beşdaran mûm pêxistin û sinefizyonek der barê wêneyên 80 şehîdan de hate pêşandan.

Di dawiya merasîmê de Meclisa Malbatên Şehîdan wesîqeyên şehadeta şehîdan xwendin û ew radestî malbatên wan kirin.

(mh/şx)

ANHA