​​​​​​​Li kantona Qamişloyê çalakiyên 4ʹê Nîsanê

Bi wesîleya 4ʹê Nîsanê rojbûna Rêber Abdullah Ocalan li bajar û navçeyên kantona Qamişloyê çalakiyên cuda hatin lidarxistin.

Şêniyên bajarê, di nav de endamên Komîteya Çalakiyan a ku ji Kongra Star, PYD, Meclisa Bajarê Qamişlo û Meclisa Malbatên Şehîdan pêk tê 50 dar li Parka Hîzam a Bakur a taxa Xerbî ya bajarê Qamişloyê çandin.

Endama Meclisa Malbatên Şehîdan Şemsîxan Gulo axivî û got, Rêber Abdullah Ocalan ji bo tevahî gelên cîhanê hêvî ye. Her wiha diyar kir ku bi saya keda şehîdan û berxwedana gerîla û girtiyan felsefeya Rêber Abdullah Ocalan li cîhanê belav bû û bû mînak.

Bavê şehîd Baran, Yûsif Xişo jî soza şopandina fikr û felsefeya Rêber Abdullah Ocalan da.

TIL HEMÎS

<iframe width="560" height="315" src="https://www.youtube.com/embed/nOVprb71L8k" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Li navçeya Til Hemîsê jî endamên saziyên sivîl, leşkerî û partiyên siyasî 40 darên merx li Goristana Şehîdan çandin.

AMÛDÊ

<iframe width="560" height="315" src="https://www.youtube.com/embed/wi_BvVOqrhE" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Di çarçoveya pêngava Platforma Ekolojîk de û bi beşdarbûna malbatên gerîlayên ku di êrişên kîmyewî de yên dewleta Tirk a dagirker de li Herêmên Parastinê yên Medyayê de şehîd bûne, Parka Şehîd Adar Çiya li bajarokê Topiz ê navçeya Amûdê hat vekirin.

Gerîla Canda Îsmaîl (Adar Çiya) 5ʹê Mijdara 2022ʹan tevî 5 hevalên xwe di êrişa kîmyewî ya dewleta Tirk  a dagirker de li navçeya Şêladizê ya Başûrê Kurdistanê şehîd bû.

Di merasîmê vekirina parkê de de wêneyên şehîdên êrişa çekên kîmyewî hatin hildan. Beşdaran 400 dar li parkê çandin.

Bi heman armancê, Kongra Star serdana malbatên şehîdan kir. Endamên Kongra Star 4ʹê Nîsanê li malbatên şehîdan pîroz kir û pirtûkên Rêber Abdullah Ocalan dane wan. Malbatên şehîdan diyar kirin ku ew ê têkoşînê geş bikin heta ku azadiya fîzîkî ya Rêber Abdullah Ocalan mîsoger bikin.

TIRBESPIYÊ

<iframe width="560" height="315" src="https://www.youtube.com/embed/7ps5vYlWT7o" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Li navçeya Tirbespiyê jî, endamên Kongra Star serdana malbatên şehîdan kirin û parêznameyên Rêber Abdullah Ocalan diyarî wan kirin. Malbatên şehîdan soza da ku ew ê têkoşînê xurt bikin û ji bo azadiya fîzîkî ya Rêber Abdullah Ocalan bixebitin.

Li aliyekî din jî Kongra Star û Hêzên Parastina Civakî (HPC) bi beşdarbûna bi dehan şêniyan, civîneke li dar xist.

Civîn li Hola PYDʹê ya li navçeyê hat lidarxistin. Di civînê de sînevîzyonek li dar jiyana Rêber Abdullah Ocalan hat pêşandan.

Piştre hevseroka Meclisa PYDʹê ya Tirbespiyê Hediye Şemo axivî û diyar kir ku Rêber Abdullah Ocalan ji bo azadiya jinan û tevahî gelan têdikoşe. Her wiha anî ziman ku Rêber Abdullah Ocalan bi dirûşma xwe ya "Jin, Jiyan, Azadî" bûye sembolê azadiyê li cîhanê.

DÊRIK

Li navçeya Dêrikê, Kongra Star semînerek li ser jiyana Rêber Abdullah Ocalan da.

Bi dehan endamên Kongra Star û nûnerên saziyên sivîl beşdarî semînerê bûn.

Semîner ji aliyê endama Kongra Star Berfîn Elî ve hat dayîn. Berfîn Elî got: "Fikr û felsefeya Rêbertî ji tarîtiyê ronî ava kir. Rêbertî bi fikrê xwe armanc dike ku gelên cîhanê û Rojhilata Navîn rizgar bike."

Berfîn Elî her wiha got, şoreşa Bakur û Rojhilatê Sûriyeyê berhemê fikrê Rêber Abdulalh Ocalan e.

(bb)

ANHA

<iframe width="560" height="315" src="https://www.youtube.com/embed/c2hzhx253cM" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>