Şehîd Fadil El Hemade hate oxirkirin

Bi sedan şêniyên navçeyê û endamên saziyên sivîl tev li merasîma oxirkirina şervanê Hêzên Sûriya Demokratîk (QSD) şehîd Fadil El Hemade (Şivan) bûn.

Şervanê QSD`ê Fadil El Hemade di êrişên dewleta Tirk a dagirker û çeteyên wê yên li dijî gundê Tirwaziye yê Eyn Îsayê de 29`ê Çileyê şehîd bûbû.

Di merasîmê de endama Meclisa Malbatên Şehîdan a navçeya Şedadê Hîbe El Ebdullah sersaxî da malbata şehîd û got: “Em bi saya fedakariyên bi hezaran şehîdan di nav ewlehiyê de ne. Divê em xwedî li berpirsyariya ku dane me bin, ji bo ku destkeftiyên wan biparêzin.”

Ji fermandarên QSD`ê Cesûr Amûdê jî axivî û got: “Şehîd Fadil bi lehengî jiya û bi lehengî şehîd bû. Wî li gundê Tirweziyê yê li eniyên pêş ên şer di oxira parastina welatê xwe de canê xwe feda kir.”

Cesûr Amûdê soza şopandina rêya şehîdan û temamkirina rêya wan da.

Piştre endama Meclisa Malbatên Şehîdan a navçeya Şedadê Îman El Ferec nasnameya şehîd xwend û radestî malbata wê kir.

Dûre girseya gel cenazeyê şehîd di nava tilîliyên dayikan de spart axê.

(şx)

ANHA