Li Derayê mayînek bi wesayîteke leşkerî ya hêzên hikumeta Şamê de teqiya

Vê sibehê li gundewarê rojavayê Derayê mayînek bi wesayîteke leşkerî ya “Lîwaya 112`an” a hêzên hikûmeta Şamê de teqiya, di encamê de hin endamên hêzên hikumeta Şamê birîndar bûn.

17 cotmeh, 2022 10:16

NAVENDA NÛÇEYAN

Li gorî Navenda Çavdêriya Mafên Mirovan a Sûriyê (SOHR), vê sibehê li ser rêya di navbera Newa û Cibêliyê yên rojavayê Derayê de, mayînek bi wesayîteke leşkerî ya “Lîwaya 112`an” ya hêzên hikumeta Şamê de teqiya. Di encamê de ji hêzên hikumeta Şamê kuştî û birîndar çêbûn.

Bi zêdebûna rewşên kuştin û hedefgirtinan re hîna tevlîheviya ewlehiyê li Derayê dewam dike. Di heman demê de hêrsa gel a li hember siyasetên hikumeta Şamê ya li hember xelkê herêmê didome. Bi tabet piştî pêkanîna “lihevhatinan” ji aliyê hikuemta Şamê ve, li herêmê di navbera gel û hikumeta Şamê de alozî derdikeve.

Bi van daneyan re, li gorî belgeyên SOHR`ê ji destpêka îsal de li Derayê 437 êrişên bi rêbazên cuda pêk hatine. Di encamê de 373 kes hatine kuştin, ku piraniya wan sivîl, endamên hêzên hikumeta Şamê , hevkarên saziyên ewlehiyê û endamên “lihevhatinan” in.