​​​​​​​Li Til Temiêr amadekariyên parastinê yên leşkerî û sivîl dewam dikin

Piştî dewleta Tirk a dagirker herêma Serêkaniyê di 2019’an de dagir kir, gund û navçeyên wê veguherîn eniyên şer, ji wan jî Til Temir a Hesekê ye.

Artêşa Tirk a dagirker û çeteyên wê nêzî 28 gundewarên Til Temirê dagir kirin û zêdetirî 23 gundan bûn herêmên eniyên şer ku rojane tên topbarankirin.

HÊZÊN LEŞKERÎ AMADE NE

Li gorî yek ji fermandarên Meclisa Leşkerî ya Til Temirê Akad Xabûr, Hêzên Meclisa Leşkerî ya Til Temirê bersiva topbaranên dewleta Tirk a dagirker ên li dijî navçeyê didin ku wan sînordar bikin û parastina ewlehî û îstîqrara herêmê bikin.

Xabûr careke din piştrast kir ku hêzên wan amade ne û wiha got: "Hêzên me li hember her êrişeke li ser navçeyê, bersivdana hemû êrişên hedegirtin û parastina gelên Til Temirê ji Kurd, Ereb, Suryan û Asur amade ne."

Artêşa Tirk a dagirker siyasetên cuda yên şantajkirina şêniyan û şerê wan di dabînkirina hewcedariyên bingehîn de dike, ji wan jî stasyona Elok e.

Hevserokê Meclisa Til Temirê Ciwan Eyûb da zanîn ku piranî gundên navçeyê tên topbarankirin mîna Til Tewîl, Til Kevçî, Um Wexfe, Til Şenan û hwd, ji bilî wê cihên pîroz mîna goristana şehîdan.

Ciwan Eyûb diyar kir ku goristana taybet a Asûriyan, mizgeft, dêr û binesazî mîna dibistan, pir, stasyonên kehrebeyê û daîreyên xizmetguzariyê tên hedefgirtin.

‛DAGIRKER GAVEKÊ JÎ BI PÊŞ NEKET’

Ciwan Eyûb ev tişt got: "Dagirkeriya Tirk bi sedema hevgirtina pêkhateyên herêmê gavekê jî bi pêş neket. Ji lew re siyaseta şerê taybet bi rêya qutkirina kehrebê, qutkirina ava Elokê li ser Til Temir û Hesekê û hedefgirtina welatiyan bi kar anî."

Eyûb ev tişt anî ziman: "Em bi rêya komînan û li gorî derfetên xwe xizmetguzariyan pêşkêşî gundên Til Temirê dikin. Dibe ku kêmasî di gelek madeyan de hebin, bi taybet sotemenî ku dikeve saktorên xizmetguzarî û çandiniyê. Lê koordîneyek di navbera me û komînan de heye ku van madeyan bigihînin welatiyan."

‛TEVGERA LI GORÎ ŞERÊ GEL Ê ŞOREŞGERÎ’

Li gel wê jî Meclisa navçeyê li gorî şerê gel ê şoreşgerî tev digire ku gel û welatiyan amade bike. Li ser vê yekê Eyûb wiha berdewam kir: "Civîn bi komînan re tên lidarxistin ku barîkat û veşartgeh werin avakirin ku herêmê were parastin û da ku welatî parastina xwe bikin, her wiha dewreyên perwerdê li ser bikaranîna çekên sivik ji welatiyan re tên lidarxistin. Li kêlek wê jî dewriyeyên şevê ji bo parastina ewlehî û îstîqrara navçeyê û gundewarên wê bi rêya komîteyên parastinê tên birêvebirin."

Li aliyekî din jî welatiya bi nave Madlên El Ebîd a ji Til Temirê îşaret bi êrişên bênavber ên li dijî navçeyê kir û wiha got: "Ji dema dagirkriina Serêkaniyê û Girê Spî ve û hatina dagirkeriya Tirk ya li hember navçeya Til Temirê ve ewlehî û îstîqrara li herêmê tune ye. Ji 3 salan û heta niha ve topbaranên dewleta Tirk a dagirker ên li dijî navçeyê û gundewarên wê ji koçberkirina şêniyan nesekinîne."

‛EM LI SER XAKA XWE LI BER XWE DIDIN’

Madlên El Ebîd wiha domand: "Ruxmî hemû hedefgirtinên ji aliyê dagirkeriya Tirk û çeteyên wê ve, lê em li ser xkaa xwe li ber xwe didin. Ji 3 salan û heta niha ve tu gaveke cidî ji hêla Koalîsyona Naventeweyî û rêxistinên mirovî ve nehatine pêkanîn. Em xwe naspêrin tu kesî û xaka xwe ji kesî re nahêlin û piştgiriya hêzên xwe yên leşkerî dikin."

Welatiyê bi navê Mihemed Tahir jî da zanîn ku rewşa navçeya Til Temirê û gundewarên wê trajîdîk e, ew jî bi sedema azarên şêniyan ji qutkirina ava stasyona Elokê ji hêla dewleta Tirk a dagirker ve. Her wiha dagirkerî stasyonên kehrebê topbaran kirin. Mihemed Tahir wiha got: "Ji dema dagirkirina Serêkaniyê û hatina dagirkeriyê û çeteyên wê li hember navçeya Til Temirê em di rewşeke trajedîk de dijîn."

(fr)

ANHA