Ji tirsa xwepêşandanan, Tirkiyeyê navenda xwe ya dayîna vîzeyê li Silêmaniyê girt

Ji tirsa xwepêşandan û nerazîbûna welatiyan, dewleta Tirk biryar da ku navenda dayîna vîzeya Tirkiyeyê ya li Silêmaniyê bigire.

21 tîrmeh, 2022 10:01

NAVENDA NÛÇEYAN

Li gorî nûçeya Rojnewsê, îro dewleta Tirk navenda dayîna vîzeyeya Tirkiyeyê ya li Silêmaniyê ji ber tirsa xwepêşandan û nerazîbûnên li dijî komkujiya duh a li Zaxo, girtiye.

Her wiha îro li Kerkûkê xwepêşanderan navenda dayîna vîzeya Tirkiyeyê ya li Kerkûkê girtin.

Li Bexda, Necef, Kerbela û Wasitê jî xwepêşandan destpê kirine û alên Tirkiye hatin daxisitin û bang hate kirin ku çûyîna Tirkiye ya geştê boykot bikin.

Serokê Odeya Bazirganan a Diyalayê Muhammed Samî Hamid bi peyamekê bang li bazirganan kir ku hemû cûre malên Tirkiye boykot bikin û dîsa kargeh û şirketên ku ji bo geşt û turîzmê tûrên geştê ji bo Tirkiye organîze dikin ku van geştan betal bikin û gel teşwîq bike ku neçin Tirkiye. Samî Hamid got: “Rûmeta welatê me û mirovê me ji berî fêde, kar û berjewendiyên kesî tê.”