​​​​​​​Meclisa Girê Spî êrişa li dijî şehîd Ferhad Şiblî şermezar kir

Têkildarî mijarê Meclisa Kantona Girê Spî daxuyaniyek da. Daxuyanî li qada meclisê ya li navçeya Eyn Îsayê ji aliyê hevserokê Komîteya Aborî Nûr Hemadî ve hat xwendin û bi dehan endamên sazî û komîteyên kantonê beşdar bûn.

Di daxuyaniyê de hedefgirtina cîgirê Hevserokatiya Meclisa Rêveber a Rêveberiya Xweser a Bakur û Rojhilatê Sûriyê Ferhad Şiblî ji aliyê dewleta Tirk ve, hat şermezarkirin.

Her wiha bang li hikumetên Iraqê û Başûrê Kurdistanê hat kirin ku li hember vî sûcî helwesta xwe zelal bikin. Bang li rêxistinên navneteweyî, hiqûqî û dewletên garantor jî hat kirin ku li hember sûcên dewleta Tirk û binpêkirinên li dijî gelên herêmê bisekinin, zextê li dewleta Tirk bikin da ku ji herêmên dagirkirî derkeve û vegera ewle ya koçberan mîsoger bibe.

Di dawiya daxuyaniyê de wiha hate gotin: “Ev sûcên dewleta Tirk ên li dijî siyasetmedar û têkoşeran, dê israra me ya têkoşînê qels nekin. Em ê heta rizgarkirina axa xwe ji teror û dagirkeriyê û ji bo parastina destkeftiyên ku bi saya fedakariyên şehîdan hatine bidestxistin, bidomînin.”

(dm)

ANHA