Însiyatîfa Niştimanî ya Kurdên Sûriyê êrişa li ser girtîgeha Sînaa şermezar kir

Însiyatîfa Niştimanî ya Kurdên Sûriyê bi daxuyaniyekê êrişên dawî yên çeteyên DAIŞ`ê yên li dijî girtîgeha Sînaa şermezar kir û sersaxî ji malbatên şehîdan re, xwest.

Daxuyaniya Însiyatîfa Niştimanî ya Kurdên Sûriyê wiha ye: "Em êrişên li dijî girtîgeha Sînaa ya taxa Xiwêran a bajarê Hesekê û derdora wê şermezar dikin, di heman demê de sersaxiyê ji malbatên şehîdên hêzên taybet ên QSD`ê û Asayîşê û hemû pêkhateyên gelên xwe yên sûrî yên li Cizîrê ya sûrî û Rojhilatê Firatê re dixwazin.

Êrişên wiha armanc dike ku welatiyan bitirsînin, ewlehî û aramiya herêmê têk bibin û careke din DAIŞ`ê zindî bibin, li ser vê yekê divê hevkarî di navbera artêşa sûrî û birayê QSD`ê de hebe da ku careke din belav nebin. Mayîna vê hejmara mezin a komên terorîst ên DAIŞ`ê li navendên girtîgehan ên li herêmê, gefan li jiyana sivîlan dixwe, her wiha wekî bombeya li ber teqînê ye.

Ji lewma em bang li civata navneteweyî, NY`yê û Meclisa Ewlekariyê ya NY`yê û dewletên bi bandor dikin ku zêxtê li welatan bikin, da ku hemwelatiyên xwe yên di nav DAIŞ`ê de werbigirin û wan li ser xaka xwe darizînin. Li aliyekî din jî em bang li gelê xwe bi hemû pêkhateyên xwe yên li Cizîrê ya Sûriyê û Rojhilatê Firatê dikin ku li dijî şaneyên DAIŞ`ê û komên terorîst ên piştgiriya xwe ji dagirkeriya Tirk werdigirin, yekitiya xwe ava bikin û bi erka xwe ya dîrokî rabin."

(eh)

ANHA