Li Lubnanê malbateke sûrî xeniq

Li gundekî başûrê Lubnanê malbateke sûrî dema di xew de bû, ji ber bêhna dûmana jehrî ya komirê jiyana xwe ji dest da.

2 ÇILE, 2022 14:49

NAVENDA NÛÇEYAN

Li gundekî başûrê Lubnanê, jineke sûrî û 3 zarokên xwe, dema di xew de bûn ji ber kişandina bêhna dûmana jehrî ya komirê jiyana xwe ji dest dan. Malbatê komir ku ji bo germkirinê dişewitandin,.

Malpera Al-hurra li ser zimanê berpirsekî qada tenduristiyê Yusif El-Dir ragihandin ku cenazeyên her 4 kesan ji nexwewşxaneyê hate veguhestin û got, malbata li gundê Xerayîb a li ser Deryaya Spî ji bo germkirinê komir bi kar dianî.

Berpirsê nexweşxaneya Feqîh diyar kir ku dayika (31) û zarokên wê yên di navbera 8, 7, 4 salan de dema gihaştin nexweşxaneyê jiyana xwe ji dest dabûn û agahiya wefata wan bi xeniqandinê hate eşkerekirin, lê kesê ev agahî da nasnameya xwe diyar nekir.

Li Lubnanê ku nifûsa wê 6 milyon e, di halê hazir de derdora 1,5 milyon sûriyên ku ji ber aloziya Sûriyê reviyane lê hene. Pirraniya wan kesan li kamp û malên kavilkirî dimînin û rewşa aborî ya Lubnanê kambax e.

(eh)