Ji çalakiya konvedanê, rêxistinên hiqûqî sûcên PDK'ê şermezar kirin

Çalakiya konvedanê ya li deriyê Sêmalkayê ya ji aliyê Meclisa Malbatên Şehîdan a Herêma Cizîrê ve ya ji bo radestkirina cenazeyên gerîlayên di kemîna hêzên PDK'ê de şehîd bûn û şeremzarkirina kiryarên PDK'ê di roja 12'an de berdewam dike

Endamên Yekitiya Parêzeran a Herêma Cizîrê û Rêxistina Mafên Mirovan a Bakur û Rojhilatê Sûriyê serdana çalakiya konvedanê kirin.

Parêzer û endamên Rêxistina Mafên Mirovan a Bakur û Rojhilatê Sûriyê ku wêneyên gerîlayên şehîd hildan bûn û dirûşmeyên silavkirina berxwedana gerîlayên azadiyê berz dikirin daxuyanî dan.

Beriya daxuyanî were xwendin deqeyeke rêz hate girtin. Bi navê Yekitiya Parêzeran a Herêma Cizîrê parêzer Xalid Omer daxuyanî xwend.

Di daxuyaniyê şehîdxistina 5 gerîlayan û dîlgirtina gerîlayekê ji aliyên PDK'ê ve wekî berdewama komploya navneteweyî ya li dijî gelê Kurd û destekftî û mafên wê yên rewa hate binavkirin. Her wiha hate gotin, ku ev kiryarên planên dewleta Tirk ên bi armanca tunekirina hehbûna kurdan û derxistina şerekî navxweyî pêk tîne.

Di berdewama daxuyaniyê de bal hate kişandin ser berxwedana gerîlayan û wiha hate domandin: "Dema êrişên çeteyên DAIŞ'ê yên li ser Şengalê û reva hêzên pêşmerge ji Şengalê gerîlayan parastina êzidiyan kirin û ew ji fermaneke din rizgar kirin. Cîhan tevahî şahidê berxwedana gerîlayan e. Hêzên gerîla parastina mafên kurdan, hebûn û nasnameya wan li her çar parçeyên Kurdistanê dikin."

Her wiha hate diyarkirin ku kiryarên PDK'ê xiyanek li tevahî Kurdistanê ye û pîvanên mafên mirovan û parastina rewa binpê dike.

Di berdewama daxuyaniyê de hate gotin: "Em Yekitiya Parêzeran a Herêma Cizîrê êrişên PDK'ê yên li dijî gerîlayan şermezar dikin û banga radestkirina cenazeyên wan ji malbatên wan re dikin. Her wiha bang li PDK'ê dikin ku li mala kurdistanî vegere û ji hegemoniya dewleta Tirk rizgar bibe."

Bi navê Rêxistina Mafên Mirovan a Bakur û Rojhilatê Sûriyê endama rêveber a rêxistinê Evîn Cuma daxuyanî xwend.

Di daxuyaniyê îşaret bi êrişên dewleta Tirk a dagirker û bikaranîna çekên qedexekirî hate kirin û ev tişt hate gotin: "Êrişên dewleta Tirk a dagirker û bikaranîna çekên qedexekirî binpêkirineke ji mafên mirovan û qanûnên navneteweyî. Ji wê zêdetirk binpêkirineke xeter e ku divê civaka navneteweyî û tevahî rêxistniên navneteweyî bi lez û bê teredudu li hemberî wê bikeve tevgerê."

Her wiha kiryarên hikumeta Başûrê Kurdistanê hate şermezarkirin ku cenazeyên şehîdên radestî malbatên wan neke û ev yekê wekî sûcekî li dijî mirovahiyê û binpêkirinên ragihandina cîhanê ya mafên mirovan hate binavkirin.

Di daxuyaniyê de bang li Rêxistina Neteweyên Yekbûyî hate kirin û bi lez destwerdana mirovî bike.

 Piştî xwendina daxuyaniyan, parêzer û endamên Rêxistina Mafên Mirovan beşdarî çalakiya kon bûn.

Sibe wê şêniyên Hesekê û Yekitiya Parêzeran û Rêxistina Mafên Mirovan a Bakur û Rojhilatê Sûriyê çalakiyê dewr bigirin.

ANHA