Rêveberê Nexweşxaneya Şehîd Lêgerîn: Pêla 4`an a koronayê kujer e

Rêveberiya Xweser a Bakur û Rojhilatê Sûriyê di çend rojên dawîn de qedexeya derketinê ya giştî li herêmê ragihand, bi taybet piştî ku hejmara pêkhateyên vîrûsa koronayê û rewşên wefatê zêde bûn.

Rêvberê nexweşxaneya Şehîd Lêgerîn Hesen Emîn behsa xeteriya pêla 4`an a vîrusê kir û got ev cureyê vîrûsê di nava vîrusên ku belav bûne de ya herî xeter e.

Emîn da xuyakirin ku çêbûna vîrûsa yekemîn di derbasbûna pêvajoyan re bû sedem ku vîrûseke xetertir derkeve.

Emîn got pêla nû ji yên din cuda ye, ji ber ku bi awayekî lez û di nava ciwanan û heta zarokan de jî belav dibe. Her wiha piştrast kir ku ev pêl kujer e.

Emîn wiha berdewam kir: “Sedema berbelavbûna zêde li herêmê ew e ku gelê me zêde bi zanebûna tenduristî tevnagere. Şênî rêbazên xweparastinê esas nagirin û biryara qedexeyê pêk nayinin.”

Hesen Emîn di dawiyê de bang li şêniyên herêmê kir ku girtekên xweparastinê û madeyên dezenfektekirinê bi kar bînin da ku xwe ji vê vîrusê biparêzin.

(şx)

ANHA

<iframe width="560" height="315" src="https://www.youtube.com/embed/odpcPyYmoUM" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>