Meclisên malbatên şehîdan ên Heleb, Şehba û Efrînê şehîdxistina Yasîn Bulut şermezar kir

Meclisên malbatên şehîdan ên Heleb, kantonên Şehba û Efrînê bi daxuyaniyên cuda şehidxistina endamê Meclisa Malbatên Şehîdan a Partiya Karkerên Kurdistanê (PKK) Yasîn Bulut şermezar kir.

Di daxuyaniyan de şehîdxistina endamê Meclisa Malbatên Şehîdan a PKK`ê Yasîn Bulut (Şukrî Serhed) hat şermezar kirin û ev yek hat gotin: “Dewleta Tirk, MIT`a girêdayî wê, ajan û xayînên girêdayî wê mîna Partiya Demokrat a Kurdistanê (PDK) welatparêzên Kurd dikin hedef. Ji bêdengiya PDK`ê tê fêmkirin ku ew ji pêkanîna mîna van bûyeran razî ye. Ruxmî ku ev êriş ne tenê li dijî me ye lê belê dijî gelê Kurd li her çar parçeyên Kurdistanê ye û ewlehiya bajarê Silêmaniyê dike hedef.”

Di daxuyaniyan de hat diyarkirin ku bê erêkirina PDK`ê, MIT`a Tirk nikare bi rihetî mîna van bûyeran pêk bîne. Ji ber wê bang li desthilata Başûrê Kurdistanê hat kirin ku bilez dateyên bûyerê eşkere bike.

Her wiha di daxuyaniyan de bang li gelê Kurd hat kirin ku li hemberî komkujiyên dewleta Tirk ên li dijî gelê Kurd li her çar parçeyên Kurdistanê yek helwestî nîşan bidin û banga cezakirina sûcdaran hate kirin.

Her wiha Di daxuyaniyan de bang li Neteweyên Yekbûyî (NY) hat kirin ku sûcên dewleta Tirk ên li dijî gelê kurd û gelên herêmê rawestîne.

Di dawiya daxuyaniyan de soza berdewamkirina rêya şehîdan heta hat dayîn.

 (şx)

ANHA

<iframe width="560" height="315" src="https://www.youtube.com/embed/KnymjXX0n0E" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe><iframe width="560" height="315" src="https://www.youtube.com/embed/X3-E0l8ML20" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>