Şêniyên Efrînê li dijî tecrîda li ser rêber Ocalan meşiyan

Bi diruşma "Bi rihê pêngava 15'ê Tebaxê em ê Rêber APO azad bikin" bi sedan şêniyan herêma Efrînê meşek li dar xist û tecrîda li ser rêber Abdullah Ocalan şermezar kir.

Di meşê de posterên rêber Ocalan û pankartên "Hûn nikarin roja me tarî bikin", "Em bêdengiya Dadgeha Mafên Mirovan a Ewropayê ya li hemberî tecrîda li Îmraliyê şermezar dikin" û "Li hemberî rêberê mirovahiyê Abdullah Ocalan ka demokrasî û mirovahiya we?" hatin vekirin û bê navber diruşmeyên silavkirina berxwedana Îmraliyê û Berxwedana Serdemê hatin hatin berzkirin.

 Meş ji pêşiya parka Rêbertî ya li gundê Til Sosînê yê Şehbayê rawestiya û ji bo bîranîna cangoriyên azadiyê deqeyeke rêz hate girtin. Hevseroka Meclisa Kantona Efrînê Zelûx Bekir axivî, bêdengiya Dadgeha Mafên Mirovan a Ewropayê ya li hemberî tecrîda li ser rêber Ocalan şermezar kir.

Xelûx Bekir anî ziman ku armanca tecrîdê têkbirina fikir û felsefeya rêbertî ye û got: "Tevahî dewletên cîhanê dizanin ku bi azadkirina Rêber Apo dê hemû pirsgirêkên li Rojhilata Navîn çareser bibin."

Çalakî bi diruşemyên silavkirina berxwedana rêbertî û Berxwedana Serdemê bi dawî bû.

ANHA

<iframe width="560" height="315" src="https://www.youtube.com/embed/mvd0FHDlMLs" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>