Şêniyên Helebê nerazîbûn nîşanî vekirina goristanên şehîdan da

Meclisa Malbatên Şehîdan a bajarê Helebê bi meşekê vekirina goristana şehîdên Berxwedana Serdemê ya li Efrînê ji aliyê leşker û çeteyên dewleta Tirk ve şermezar kir.

NÛÇE

18 tîrmeh, 2021 18:55

HELEB

Meclisa Malbatên Şehîdan a taxa Şêxmeqsûd li dijî kiryarên artêşa dagirker a Tirk û çeteyên wê yên bêrêziya li gorên şehîdan meşek li dar xist.

Bi sedan malbatên şehîdan û şêniyên taxên Şêxmeqsûd û Eşrefiyê tev li meşê bûn.

Meş ji pêşiya hola civînan a li taxa rojavayê taxê dest pê kir.

Xwepêşandêran wêneyên şehîdan, têkoşerên Tevgera Azadiya Kurdistanê, berxwedanên Serdemê û Rûmetê û alên malbatên şehîdan hildan.

/ar/uploads/files/2021/07/18/175110_aamnh-khdhrw.webp

Xwepêşandan li qada Heft Şehîdan veguherî mîtîngê. Piştî deqeya rêzgirtin bi navê malbatên şehîdan Selah Ehmed û Amîne Xidiro axivîn.

Di axaftinan de bal hat kişandin ser sûcên dewleta Tirk ên li dijî mirovan û vekirina gorên wan. Her wiha li dijî dagirkeriyê û çeteyên wê banga xurtkirina hevgirtinê hat kirin.

/ar/uploads/files/2021/07/18/175131_slah-ahmd.webp

Di dawiyê de kesên axivîn banga berdewamkirina berxwedanê kir û got: "Berxwedan berdewam e, wê raneweste hate ku dagirker û çeteyên wê ji Efrînê werin derxistin."

Di dawiya mîtîngê de sloganên dilsoziya bi şehîdan re û bangên hesabxwestinê ji dewleta Tirk hatin berzkirin.

(eh)

ANHA