Li Efrînê rêzesûcên din hatin belgekirin

`WÊRANKIRIN Û TALANKIRINA CIHÊN DÎROKÎ YÊN NAVÇEYA CINDIRÊSÊ`

Artêşa Tirk a dagirker û çeteyên Ehrar El-Şerqiye bi armanca lêkolînkirina berhemên dîrokî û kenzan kolandina girê gundê Qurbe yê dîrokî yê navçeya Cindirêsê didomînin da ku wan bifroşin û di sûka reş û ewropayê de bifroşin.

Ji ber wê bi dehan darên zeytûnê yên mezin û berhemdar qut kirin û gelek gorên şêniyên gund wêran bûn.

Têkilarî mijarekî din çavkaniyekî ji navçeya Cindirêsê ya dagirkirî ragihand ku çeteyên dewleta Tirk a dagirker girê navçeyê dikolin da ku berhemên wê yên dîrokî talan bikin.

Tê bibîrxistin ku ji ber cihê gir ê stratejîk, dewleta Tirk a dagirker baregeha leşkerî ya herî mezin li herêmê li ser gir ava kir.

`AVAKIRINA MIZGEFTEKÊ LI DÊR SEWANÊ YÊ NAVÇEYA ŞERA`

Di çarçoveya belavkirina tundrawiyê de dewleta Tirk a dagirker bi alîkariya komeleyên ku îdia dikin xêrxwazî û mirovî ne mizgeftan li gundên kantona Efrînê ya dagirkirî ava dikin. Li gorî agahiyên ku ajansa me ji navçeya Şera bi dest xistine, Daîreya Îftayê ya girêdayî dewleta Tirk a dagirker peymanek bi rêxistina Gazî El-Şam re îmze kiriye da ku mizgefetkê li gundê Dêr Siwanê yê navçeya Şera ava bike.

Dewleta Tirk û komeleyên ixwanî lez didin guhertina demografiya herêmê, avakirina navendên olî, mizgefan bi armanca belavkirina fikirî tundraw a islamê ya çeteyên DAIŞ, Cebhet El-Nesra, Partiyên Tirkistanê yên tundraw.

`BI ARMANCA FIROTINA ENDAMÊN LAŞ KADROYEKÎ TENDURISTIYÊ JINEKE KURD QETIL KIR`

Têkildarî mijarê çavkaniyan ji navneda Efrînê ya dagirkirî diyar kir ku kadroya tenduristiyê ya li nexweşxaneya Efrînê kar dike ku ji doktorên Tirk pêk tê, welatiyeke bi navê Meryem a 36 salî qetil kir. Hevserê Meryem Esad Ekaş Xelîl ji şêniyên gundê Çêqilme yê navçeya Reco ye ku ew jî hatiye revandin.

Li gorî çavkaniya Meryem a ku paşnavê wê nehatiye zanîn, di 5`ê vê mehê çû nexweşxaneya Efrînê da ku ameliyat bibe, lê piştî nîv saetekê agahiya wefata wê hate ragihandin û di roja duyem de cenaze radestî malbata wê hat kirin.

Heman çavkaniyan diyar kir ku kadroya tenduristiyê ya Tirk welatiya bi navê Meryem qetil kir da ku endamên laşê wê bidizin û paşê bifiroşin. Her wiha ji dema ku Efrînê ji aliyê dagirkeriya Tirk û çeteyên wê ve hatiye dagirkirin, li nexweşxaneya Efrînê bi dehan bûyerên mîna vê hatine belgekirin.

`REVANDINA ZAROKEKÊ JI PÊŞIYA MALA WÊ YA LI BAJARÊ EFRÎNÊ YÊ DAGIRKIRÎ`

Li aliyekî din jî çavkaniyên ji Efrînê yê dagirkirî ragihand ku çeteyên dagirkeriya Tirk zaroka 6 salî ji pêşiya mala wê ya li navenda bajêr revand û ew birin cihekî ne diyar.

Li gorî heman çavkaniyan çaranûsa zaroka bi navê"Rûiya Mihemed Xatir" hera niha ne diyar e.

(şx-eh)

ANHA