Şêniyên herêma Cizîrê şehîdên komkujiya Helincê bi bîr anîn

Îro bi sedan şêniyên herêma Cizîrê yên Kurd, Ereb û Suryan, şandeya Kongreya Star a Dêrazorê berê xwe dan Goristana Şehîd Xebat a navçeya Dêrikê da ku tev li merasîma bîranîna şehîdên meha Hezîrannê û komkujiya Helincê Zehra Berkel, Hebûn Mele Xelîl û Emîne Weysî bibin.

Di merasîmê de koordînatorê Kongreya Star a Bakur û Rojhilatê Sûriyê Remziye MIhemed axivî û destnîşan kir ku komkujiya Helincê berdewama komploya 15`ê Sibatê ya li dijî rêber Abdullah Ocalan e ku jinan ji zulm û zordestiyê xilas kir.

Remziye diyar kir ku jinan bi berxwedana xwe ya li hemberî dagirkeriyê mohra xwe danî dîrokê û piştrast kir ku ew ê rêya têkoşînê bidomînin heta ku hemû jin rizgar dibin û xewna wan her sê hevalên jin pêk were.

Hêvî Seyd endama Meclisa Malbatên Şehîdan a herêma Cizîrê da xuyakirin ku deshildatan ji hedefgitina jinan armanc dikin vîna wê bişikînin. Her wiha îşaret pê kir ku gelên Bakur û Rojhilatê Sûriyê bi sedan şehîd dan da ku welatê xwe azad bikin û di nava aştiyê de bin.

Her wiha Hêvî destnîşan kir ku jinên li Bakur û Rojhilatê Sûriyê di hemû waran de bûn sembol bi taybet di warên leşkerî û siyasî de.

Piştî bidawîbûna axaftinan Kongreya Star a Dêrazorê wêneyên şehîdên Helincê û Dêrazorê yên ku ji aliyê şaneyên DAIŞ`ê ve hatine kuştin, pêşkêşî Meclisa Malbatên Şehîdan a navçeya Dêrikê kir.

Di dawiya merasîmê de şêniyan serdana gorên şehîdan kir.

(şx)

ANHA