Ciwanên herêma Efrînê: Em ê heta qewitandina dagirkeran li ber xwe bidin

Bi sedan endamên Tevgera Ciwanên Şoreşger ên Herêma Efrînê li ser rêya di navbera gundê Til Qerah û navçeya Ehresê ya kantona Şehbayê de kom bûn. Ciwanan wêneyên rêber Abdullah Ocalan hildan.

Xwepêşandanê ji gundê Til Qerah dest pê kir û ber bi navenda Tevgera Ciwanên Şoreşger ya li Ehresê ve dewam kir. Beşdaran sloganên ku berxwedana rêber Abdullah Ocalan û berxwedana gerîla li Zap, Avaşîn û Metînê silav dikin, berz kirin.

Xwepêşandêr li pêşiya navenda ciwanan sekinîn, li wir bi navê Tevgera Ciwanên Şoreşger Lîlas Sîdo bi zimanê kurdî daxuyaniyek xwend. Di daxuyaniyê de hat diyarkirin ku armanca dewleta Tirk a dagirker ji van êrişan ew e ku nasnameya gelê Kurd tune bike û hate gotin ku dewletên kapîtalîst xwe li ser asîmîlekirina nasnameya gelan ava dikin.

Di daxuyaniyê de wiha hate gotin: "Dewleta Tirk a dagirker bi van êrişên li dijî Zapê, Avaşîn û Metînê hewl dide tola binketina xwe li çiyayên Kurdistanê hilîne."

Di dawiya daxuyaniyê de hate gotin: “Wekî Tevgera Ciwanên Şoreşger û Yekitiya Jinên Ciwan a herêma Efrînê em ê berxwedana xwe heta têkbirina faşîzma dewleta Tirk li hemû parçeyên Kurdistanê û qewitandina dagirkeran, dewam bikin.”

Xwepêşandan bi sloganên silavkirina berxwedana gerîla bi dawî bû.

(dm)

ANHA

<iframe width="560" height="315" src="https://www.youtube.com/embed/zjor26r92w4" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>