Bi dîmen û wêne…Newroza li Bakur û Rojhilatê Sûriyê

Şêniyên Bakur û Rojhilatê Sûriyê bi dirûşma "Bi ruhê berxwedana Newrozê em ê dagirkeriyê têk bibin" Newroza 2021`an bi coş û morala berxwedan û serkeftinê pîroz kir.

NEWROZA 2021

22 adar, 2021 07:56

NAVENDA NÛÇEYAN

Duh bi şev bi sed hezaran Kurd û pêkhateyên din ên Bakur û Rojhilatê Sûriyê bi cil û bergên gelêrî û bi şadî û rihê berdewamkirina berxwedanê heta pêkanîna serkeftinê berê xwe dan qadên Newrozê da ku Newrozê pîroz bikin. Newroza îsal ji ber serkeftinên Hêzên Parastina Gel (HPG) ên li hemberî dewleta Tirk a dagirker li Garê xwedî taybetmendiyên cuda ye.

Muzeyîk gelan a ku Bakur û Rojhilatê Sûriyê pê cihêwaz e, di şahiyên Newroza 2021`an de diyar bû. Reng û dengê pêkhateyên herêmê li qadên Newrozê rengekî xweş derxist holê. Bi rêya vê yekê diyar bû ku Newroz yekitî û hevgirtina gelean e.

Şêniyan ku bi coş û moraleke mezin berê xwe dan qada Newroz, dirûşma “Bi rihê Newrozê em ê dagirkeriyê têk bibin” îsbat kir. Gel bi beşdarbûna xwe peyamên girîng dan cîhanê ku ruxmî êrişên li dijî herêmê û xetereya DAIŞ`ê ku gefan li herêmê û cîhanê dixwe jî, rihê berxwedanê ku gel ji Newrozê girt, vîn û îsrara gel a serkeftinê mezintir kir. Ev rihê ku ji Newrozê girtine wê bibe xurtikirina berxwedanê û parastina destkeftiyên Bakur û Rojhilatê Sûriyê.

Wêne û dîmenên ku nûçegihanên me ji qadên Newroza 2021`an kişandine, rengên ku li wan qadan bûye mûzeyîk, radixe berçavan.

Nûçegihanên me ji hemû şahiyên Newroza Bakur û Rohilatê Sûriyê, çend wêne û dîmenên taybet kişandin.

ANHA