Ji Efrîn heta Şengalê meşeleyên Newrozê

EFRÎN

Şêniyên Efrînê yên li kamp û gundên Şehbayê agirê Newrozê pêxistin, bi vê yekê teqeziya xwe bi xeta berxwedanê ta rizgarkirina Efrînê û qewitandina dagirker û çeteyan kirin.

Bi sedan şêniyên herêma Efrînê, li qad û deverên giştî yên navçe, gund û kampên kantona Şehbayê meşleyên Newrozê hildan, diruşmeyên silavkirina Berxwedana Serdemê berz kirin.

Pêkhateyên herêmê bi Kurd, Ereb û Tirkmanên xwe li qadên giştî kom bûn, agirên Newrozê dadan û li derdora wê li ber stranên neteweyî û folklorî gerandin.

HELEB

Bi hezaran şêniyên bajarê Helebê, li qada Şehîdan a beşê rojavayê taxa Şêxmeqsûdê, herêma Cebanat a beşê rojhilat û li ber parka Îstîqama ya taxa Eşrefiyê kom bûn û agirên Newrozê dadan.

Şêniyan li derdora agir govend gerandin.

ŞENGAL

Bi sedan şêniyên Şengalê, li çiyayê Şengalê agirê Newrozê dadan û li derdora wê xelekên govendê gerandin.

Li herêma Serdeştî ya li çiyayê Şengalê, bi dehan şênî agirê Newrozê dadan û pîrozbahî kirin.

QAMIŞLO

<iframe width="560" height="315" src="https://www.youtube.com/embed/YuOwLW21AMg" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

Şêniyên Qamişloyê bi gera erebeyan û pêxistina agir, Newroz pîroz kir.

Li hemû taxên bajarê Qamişlo şêniyan bi coş agirê Nerwrozê pêxistin.

Di gera erberyan de wêneyên rêber Abdulah Ocalan hatibûn rakirin û sloganên  "Berxwedan jiyan e " hatin berzkirin.

Îro ji seatên piştî nîvro ve heta niha gel li kolan û taxên xwe Newrozê pîroz dikin.

(sb)

ANHA