Cenazeyê du şehîdan li Minbicê hatin veşartin

Şervanê Meclisa Leşkerî ya Babê Mihemed Fadil El-Şêx di 16`ê vê mehê de û şervanê Meclisa Leşkerî  ya Minbicê Elawî Mistefa El-Hisên di 17`ê vê mehê de dema erka xwe bi cih dianîn, şehîd bûn.

Bi dehan şêniyên bajar Minbic û gundewarê we bi hildana alên Meclisa Leşkerî ya Minbicê, Meclisa Leşkerî ya Babê, alên Meclisa Malbatên Şehîdan û Tevgera Ciwanên Şoreşger cenazeyên her du şehîdan ji nexweşxaneya Firatê wergirtin û bi kerwanekî ber bi Goristana Şehîdan a li rojavayê bajêr ve çû.

Li goristanê merasîmek hate lidarxistin.  Merasîm bi torana leşkerî ya şervanên Meclisa Leşkerî ya Minbicê û deqeyeke rêzgirtin dest pê kir. Piştre ji fermandarên Meclisa Leşkerî ya Babê Nadir El-Meşnûq axivî û got:"Bi berdêlan em welat diparêzin û bi rihê baqij em sînorên welat xêz dikin. Em ê heta dawiyê şopdarên xeta şehîdan bin, an em ê bi  rûmet bijîn an jî li ser xaka xwe şehîd bikevin."

Dûvre bi navê Meclisa Malbatên Şehîdan, Endama Meclisê Cemîla Îbrahîm axivî û rola şehîdan a parastina ewlehî û aramiya herêmê destnîşan kir. Her wiha soza şopandina rêya şehîdan da.

Bi navê Rêveberiya Sivîl a Demokratîk a Minbicê Hevserokê Meclisa Qanûnsaz Mihemed Elî El-Ebo axivî û got:"Şehîd bi rihê xwe di nav me de ne, dixwazin em rêya wan berdewam bikin û em jî ji wan re dibêjin û sozê didin wan ku em ê heta serkeftinê û rizgarkirina xaka xwe rêya wan berdewam bikin."

Piştî axaftin bi dawî bûn, Endama Meclisa Malbatên Şehîdan Henadî Mihemed nasnameya her du şehîdan xwend û radestî malbatên wan kir.

(eh)

ANHA