Ciwanan komploya 9'ê Cotmehê şermezar kir

Tevgera Ciwanên Şoreşger a Sûriyê û Yekitiya Jinên Ciwan a Herêma Efrînê di çarçoveya pêngava "Em ê teqez bi serkevin" de, meşek ji bo şermezarkirina komploya navneteweyî ya li dijî Rêber Abdullah Ocalan li dar xist.

Bi sedan ciwan beşdarî meşê bûn. Meş ji gundê Til Sosîn ê Şehbayê dest pê kir. Ciwanan posterên Rêber Abdullah Ocalan, alên Yekitiya Jinên Ciwan û Tevgera Ciwanên Şoreşger a Sûriyê, pankartên "Na ji dagirkeriyê re, na ji tecîrda li dijî rêber Apo re, em ê teqez bi serkevin" n hildan û dirûşmeyên şeremzarkirina dgirkeriyê û tecrîdê û silavkirina berxwedana gelê Kurd qîr kirin.

Meş li têketina kampa Serdemê rawestiya. Piştî deqeya rêzgirtin bi navê Tevgera Ciwanên Şoreşger a Sûriyê daxuyaniyek hate xwendin.

Di daxuyaniyê de komploya navneteweyî ya 9'ê Cotmeha 1998'an a li dijî Rêber Abdullah Ocalan, pê re salvager êrişên li ser Serêkaniyê û Girê Spî hatin şermezarkirin. Hate gotin ku armanca komployê çewiandina nasnameya gelê Kurd û fikir û felsefeya demokratîk li Rojhiatla Navîn e.

Di daxuyaniyê de hate destnîşankirin ku ew ê têkoşîna azadiya Rêber Abdullah Ocalan di çarçoveya pêngava "Em ê teqez bi serkevin" berdewam bikin heta rêbertî azad bikin.

Ciwanên şoreşger bang li CPT'ê kir ku bi cidiyet li doza girtina Rêber Abdullah Ocalan binere û gotin: "Bi hêz û têkoşîna ciwanan em ê hemû komployan têk bibin û Rêber Abdullah Ocalan azad bikin."

Di dawiya diruşmeyên banga azadiya Rêber Abdullah Ocalan hatin avêtin.

ANHA

<iframe width="560" height="315" src="https://www.youtube.com/embed/djj_vZVCAFA" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>