Berxwedana Heftenînê li Helebê hate silavkirin

Bi pêşengtiya malbatên şehîdan, bi sedan şêniyên Helebê daketin qadan û êrişên dewleta Tirk a dagirker ên li ser herêma Heftenînê ya Başûrê Kurdistanê şermezar kirin û berxwedana gerîlayan silav kir.

Meş ji ber hola civînan a beşê rojavayê taxa Şêxmeqsûdê dest pê kir di nava kolanên sereke de geriya. Şêniyan pankartên wekî "Bi giyanê şehîdan wê berxwendana Heftenînê bi serkeve" vekir û diruşmeyên silavkirina berxwedana Heftenînê berz kirin.

Meş li qada Sebai Behrat a beşê rojhilatê taxa Şêxmeqsûdê veguherî mîtîngê. Piştî deqeya rêzgirtin hevseroka Meclisa Malbatên Şehîdan a Helebê Rewşen Mûsa bi zimanê Kurdî û endama meclisê Şeyhan Şêxo bi zimanê Erebî axivin.

Di axaftinanan de girîngiya piştgiriya berxwedana HPG'ê ya li hemberê êrişên dewleta Tirk a dagirker hate destnîşankirin da ku rê li ber koçberî, wêrankirin û desteserkirinê were girtin.

Kesên axivîn soza şopandina rêya şehîdan û domandina piştgiriya Tevgera Rizgariya Kurdistanê dan.

Di dawiya çalakiyê de diruşmeyên şermezarkirina êrişên dewleta Tirk û silavkirina berxwedana Heftenînê hatin berzkirin.

ANHA