Hêzên Ewlekariyê dewreya perwedeyê ya rêveberan bi dawî kir

Fermandariya Giştî ya Hêzên Ewlekariya Hundirîn a herêma Reqayê di çarçoveya planan de ya ji bo bilindkirina asta endamên xwe di hemû qad û pisportiyan de mehek beriya niha dewriyeke perwerdeyê ya rêveberan dabû destpêkirin.

41 endam tevlî dewreya perwerdeyê bibûn. Di dewreyê de wane li ser hunera rêveberî, rêxistin û pêşxistina projeya neteweya demokratîk di civakî de hatin dîtin.

Dewreya perwerdeyê îro bi merasîmekê bi dawî bû.

Hejmarek mezin ji ferrmandarên Hêzên Ewlekariya Hundirîn a herêma Reqayê û nûnerên saziyên sivîl ên bajarê Tebqa û Reqayê beşdarî merasîmê bûn.

Di merasîmê derçûnê de Hevserokê Komîteya Hundirîn a Tebqayê Yesrib El-Hesûn axivî û got:`` Bi rêya van perwerdeyan em nameyeke bi nirx û giranbuha di pêkanîna pîvanên şaristaniyê û aktîfkirina mekanîzmeya pêşxistina gelan de didin. Em Hêzên Ewlekariya Hundirîn bi hemû hêza xwe ji bo ji bo xurtkirina baweriya gel bi hêza me û ji bo pêşxistina ewlehî û aramiya herêmê xwe dixebitin."

Di dawiya merasîmê de, endamên tevlî perwerdeyê bibûn sûnda parastina destkeftiyên şehîdan û ewlehiya herêmê xwarin.

Her wiha Hêzên Ewlekariya Hundirîn plaket û wêneyê şehîd diyarî malbata şehîd Salih El-Xilêf kir.

Endamê Hêzên Ewlekariya Hundirîn Salih El-Xilêf beriya du mehan di êrişeke hovane ya şaneyên veşartî yên DAIŞ'ê de li bajarok Mensûrayê şehîd bû.

ANHA