Li Kobanê ji bo şehîdan merasîmeke hate lidarxistin

Bi tevlêbûna bi sedan şêniyên kantona Kobanê cenazeyê endamê Hêzên Ewlekariya Hundirîn Îbrahîm Mustefa û şervanê QSD'ê Fewaz Kort (Erdal Amed) ên ku dema li ser karê xwe bûn şehîd bibûn li goristana Şehîd Dîcle hatin veşartin.

Di merasîmê de Rabîha Abdulezîz Xelîl û hevserê wê Mihemed ên ku dema erka xwe li dibistaneke bajarê Girê Spî pêk dianîn di êrişa dagirkirinê ya dewleta Tirk û çeteyên wê  de şehîd bibûn, hatin bi bîranîn.

Merasîm bi deqeyeke rêzgirtin dest pê kir. Piştre fermandarê Meclisa Leşkerî ya Kobanê Îsmet Şêx Hesen axivî û got: "Van şehîdan ji bo parastina mirovahî, azadiya gelan û nirxên exlaqî canê xwe feda kirine."

Îsmet soza şopandina rêya şehîdan da.

Bi navê Desteya Perwerde û Fêrkirinê ya herêma Firatê mamsote Rîhan Elî jî axivî û diyar kir: "Bi saya keda van şehîdan em azad bûne û di nava aştiyê de dijîn.Em ê xeta şehîdan bişopînin."

Piştî axaftinan nasnameyên şehîdan hatin xwendin û radestê malbatên wan hatin kirin.

Di dawiyê de cenazeyên şehîdên Hêzên Ewlekariya Hundirîn bi diruşme û tilîliyên dayikanhatin veşartin.

ANHA