Li Helebê bi hezaran êrişên dewleta Tirk şermezar kirin

Bi diruşmeya "Li dijî êrişên hovane û qirkirinê em ê asta berxwedan û têkoşînê bilind bikin" bi hezaran şêniyên taxên Şêxmmeqsûd û Eşrefiyê yên Helebê ji ber avahiya Meclisa Giştî ya Şêxmeqsûd û Eşrefiyê dest bi meşê kirin.

Di meşê de pankarên bi zimanên Erebî û Kurdî "Ji qirkirin û dagirkirinê re na", "Ji êrişên Tirkiyê yên li sre Mexmûr, Şengal û Qendîlê re na" û "Bi îrade û têkoşînê em ê biser bikevin" hatin hildan.

Meşvanan di kolanên sereke yên taxê geriyan û bê navber diruşmeyên silavkirina berxwedana Şengal, Mexmûr û Qendîlê berz kirin.

Meş li qada Cibayat veguherî mîtîngê. Piştî deqeya rêzgirtin, Hevserokê Meclisa Giştî ya taxên Şêxmeqsûd û Eşrefiyê Mihemed Şêxo û Hevseroka Malbendiya Heleb a Rewşenbîran Leyal Xalid axivîn.

Di axaftinan de êrişên dewleta Tirk a dagirker ên li ser Şengal û Mexmûrê hatin şermezarkirin û hate gotin armanca êrişa tunekirina hebûna gelê Kurd û destkeftiyên wê ne.

Her wiha hate diyarkirin ku dewleta Tirk a dagirker bi van êrişan hewl didin hewldanên nêzîbûna û yekitiya Kurdî derbe bikin. Axaftivanan diyar kirin ku ew ê têkoşînê dewam bikin.

ANHA