Li Helebê ji bo şehîd Şoreş Amanos merasîmek hat lidarxistin

Meclisa Malbatên Şehîdan a taxên Şêxmeqsûd û Eşrefiyê yên Helebê ji bo gerîlayê Hêzên Parastina Gel (HPG) Şoreş Amanos ê ku li çiyayên Kurdistanê şehîd bûye, merasîmek li dar xist.

NÛÇE

17 sibat, 2020 14:12

HELEB

Bi sedan şêniyên taxên Eşrefiyê û Şêxmeqsûd û endamên saziyên sivîl û partiyên siyasî beşdarî merasîma şehîd Mehmûd Hec Hemo (Şoreş Amanos) bûn ku li qada şehîdan a li aliyê rojavayê taxa Şêxmeqsûd hatiye li darxistin.

Merasîmê bi deqeyeke rêzgirtinê dest pê kir. Piştre endamê Meclisa Malbatên Şehîdan Omer Çîçek sersaxî ji malbata şehîd re xwest û wiha got: "Bi saya fedekariyên şehîdan, em niha azad dijîn."

Dotmama şehîd Şoreş, Evîn Hec Hemo jî wiha axivî: "Em bi şehîdê duyemîn ê malbatê di şoreşa Rojava de serbilind in. Şehîd Şoreş zarokê tekane yê malbatê bû, xwedî vîneke azad bû û bi tevlêbûna xwe ji HPG`ê re rêya hevrêyên xwe yên şehîd şopand û şehîd bû."

Beşdaran soza şopandina rêya şehîdan heta rizgarkirina hemû herêmên dagirkirî dan.

Piştî axaftina bi dawî bûn, dayika şehîd Alan, Remziye Salih û endamê Meclisa Malbatên Şehîdan helbest gotin. Piştre mamoste Zekiye Mustafa wesîqeya şehadetê xwend û radestî malbatê kir.

(cx)

ANHA