Apê Elî ruxmê êrişên artêşa Tirk erdê xwe diçîne

Elî Mihemed Şêrîf (70) li gundê Xerab Kort ê ku 10 km dikeve rojavayê bajarê Qamişlo û beramberî sînorê di navbera Bakurê Kurdistanê û bajarê Qamişlo yê Bakur û Rojhilatê Sûriyê dimîne. Apê Elî ji beriya 50 salan ve di erdê xwe de dixebite û debara xwe bi çandiniyê dike.

Cotkarên herêma Cizîrê her sal ji serê Kanûnê ve dest bi cotkirina erdê xwe dikin. Lê Apê Elî sala derbasbûyî ji ber êrişên artêşa Tirk a dagirker di  navîna meha Çileyê de dest bi cotkirinê kir.

Apê Elî got: “Di sala derbasbûyî de min gelek zehmetiya çandinê kişand. Ji ber artêşa Tirk kesên nêzî sînor dibûn dikirin amranc. Lewma min nedihişt zarokên min erd cot bikin û ez bi xwe diçûm.”

Piraniya xelkên gundê Xerab Kort ê ku dikeve rojavayê bajarê Qamişlo debara xwe bi çandiniyê dikin û xwedan 5 hezar donim in, lê nêzî sînorê di navbera Bakurê Kurdistanê û bajarê Qamişlo ye.

Apê Elî erdê xwe pîroz dibîne û israra cotkirinê dike, lewma her çiqasî êrişên artêşa Tirk hene jî Apê Elî bi kotekî 12 Çileyê erdê xwe cotkir.

Apê Elî got: “Erdê min 100 donim e û ez di cotkirinê dereng mame. Par jî em derng man. Destpêkê ez ji êrişên artêşa Tirk ditirsiyam lê dîsa jî min erdê xwe çand û herî dereng mame.”

Di 16’ê Kanûna 2019`an de cotkarê bi navê Mihemed Hisên ê ji gundê Xerab Kort ji ajansa me re gotibû: “Dewleta Tirk nahêle em erdê xwe biçînin. Erdê me ji dirêjahiya gund û heta bi gundê Talika Şerqirî ya beramberî sînor e.”

Rêveberiya Xweser a Bakur û Rojhilatê Sûriyê kelûpelên çandiniyê pêşkêş kirin, ji mazotê tovan û kesên zadê wan par hate şewitandin, alîkarî bi wan re kirin.

(eh)

ANHA

<iframe width="560" height="315" src="https://www.youtube.com/embed/-Nudvll9fKo" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>