Li Til Hemîsê Navenda Ciwanên  Şoreşger vebû

Bi dirûşma "Dest bi dest bi QSD’ê re" Tevgera Ciwanên Şoreşger ên Sûriyê îro navendek li navçeya Til Hemîsê ya herêma Cizîrê bi beşdariya girseya şênî û ciwanan vekir.

Hedefa Tevgera Ciwanên Şoreşger ên Sûriyê piştî lidarxistina kongreya 2’yemîn a di 9-10’ê Mijdara 2018’an de, pêşketina asta ciwan û bihêzkirina tevgerê li tevahî bajarên Sûriyê, xwebirêxistinkirina li ser tevahî astan bi rêya vekirina navend û buroyan li tevahî bajarên Sûriyê, bi taybet li herêmên Bakur û Rojhilatê Sûriyê ye.

Di merasîma vekirina Navenda Şehîd Musena ya Tevgera Ciwanên Şoreşger ên Sûriyê li navçeya Til Hemîsê de bi navê PYD’ê rêveber Heyal Xiwêr, bi navê Tevgera Çand û Hunerê ya navçeya Til Birakê Îbrahîm El-Sultan, bi navê Yekitiya Werzîşê hevserokê Yekitiya Wezîşê ya kantona Qamişlo Muwefeq El-Ehmed û bi navê Meclisa Malbatên Şehîdan hevserokê meclisê Ehmede El-Ebawî axivîn.

Axêveran piştrast kir ku divê perwerde û rêxisitina ciwanan li gorî merheleyê be û divê behreyên wan bên bihêzkirin da ku civak ber bi pêşketin û pêşdeçûnê ve biçe.

Axêveran bal kişand ser qurbaniyên mezin ên ku keç û xortên herêmên Bakur û Rojhilatê Sûriyê di rizgarkirina herêm û cîhanê ji çeteyên DAIŞ’ê de dane û bang li rêxistinên mirovî yên ku bi gelê Bakur û Rojhilatê Sûriyê re tê dikoşin, kir ku piştevanî û piştgiriyê berdewam bikin.

Piştî axaftinan, tîma şanoyê ya Navenda Çand û Hunerê ya Til Birakê, şanoyek li ser rewşa li bakurê Sûriyê pêşkêş kir. Piştre dayika şehîd Musena, Xezala El-Muşrif deriyê navendê vekir.

Şehîd Musena El-Keran (Cîger) ê ku Navenda Ciwanên Şoreşger ên Sûriyê bi navê wî hatiye binavkirin, şervanê YPG’ê bû ku di hemleya rizgarkirina bajarê Minbicê ji çeteyên DAIŞ’ê de, şehîd bûbû.

(fr)

ANHA

<iframe width="560" height="315" src="https://www.youtube.com/embed/e3NZ9hsyqp8" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>