Komkujiya Tilrifetê dê ji bîr nebe

Di 2’yê Kanûnê de arêşta Tirk û çeteyên xwe li dijî şêniyên Efrînê yên ku li kantona Şehbayê bicihbûbûn komkujî pêk anî û di encamê de 10 sivîl şehîd bûn, 8 ji wan zarok in û 12 din jî birîndar in û ew jî bi gelemperî zarok in.

Ji ber artêşa Tirk û çeteyên xwe êrişî Tilrifetê kirin, zarokan bûn astengdar. Ji wan zarokan zarokê bi navê Edhem Hesûn(5) ku parçe di lingê xwe rastê de xwar û di encamê de jêkirin.

Rewşa Edhem rewşa wî ji hevalên wî yên birîndar ne baştir e, hin zarok ji lingên xwe birîdar bûn û hin jî di destên xwe de, li gel ku rewşa hinan ji wan xetere.

Ajansa me hevdîtin bi malbatên zarokên birîndar re çêkir. Di vê derbarê de bavê Edhem û Îlyas Hesûn ên ku di encama komkujiyê de birîndar bûne Mihemed Hesûn wiha anî ziman: “Beriya 2 heftiyan anku roja duşemê, jixwe çend rojan li pey hev rewşa hewayê ne baş bû. Paşê dema roj derket zarok li hev kom û ji xwe re lîstin. Lê belê artêş Tirk topavêj avêtin û nehiştin zarok lîska xwe berdewam bikin.”

Hesûn wiha pirsî: “Gelo çi gunehê van zarokan e, werin topbarankirin û lingên wan qut bûn? Niha jî  di 5 saliya xwe de astengdar bimînin.”

Hesûn diyar kir ku zarokên wî Edhem Hesûn û Ilyas Hesûn  ji ber birînên xwe bi şevê zêde diêşin û got: “Zarok heta sibeha digirîn. Niha jî rewşa wan kampax e û artêşa Tirk jiyan û pêşeroja wan wêrankir.”

Hesûn got, ku dewleta Tirk îdîa dike ku li dijî terorê şer dike, lê di rastiya xwe de ew terorîst in û zarokan qetil dike.

Hesûn bang li rêxistinên mafên mirovan û rêxistinên mafên zarokan kir û wiha axivî: “Divê rêxistin^n mafê mirovan çavê xwe ji vê komkujiya dewlata Tirk a faşîst re negire. Da ku nebin hevkarên dagirkerî û komkujiyê.”

Zarokê bi navê Îlyas Hesûn wiha axivî: “Min bi hevalên xwe li kolanê dilîst û ji nişkave topek di nav me de teqiya. Ez nizanim çi bi min hat, lê birayê min ê piçûk Edhem li erdê bû û lingê wî qut bûbû. Ez jî ji ber tengê teqînê min nedikarî bimeşim û hema min xwe bi erdê ve kişkişand. Lingê min xwîn jê dihat, paşê min çavên xwe li nexweşxaneyê vekir.”

Dayîka Îlyas û Edhem Roşîn got: “Ez bûm şahida komkujiyê û dît ku çawa zarok li erdê bûn term û endamên laşên wan qutbûn. Ez li kurê xwe geriyam. Min kurê xwe dît û ji lingê xwe yê çepê birîndar bibû.”

Roşînê nedizanî ku dê kurê wê bibe astengdar.

Roşîn di dawiya axaftina xwe de got: “Em ê li Tilrefetê bibînin û heta vegerin Efrînê û çeteyan derxînin, ew ê li ber xwe bidin.”

(eh)

ANHA

<iframe width="560" height="315" src="https://www.youtube.com/embed/1skCwGSBKDU" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>