Werzîşvanên Minbicê li dijî dagirkeriyê meşiyan

Yekitiya Werzîşê ya Minbicê û gundewarê wê ji bo şermezarkirina êrişên Tirkiyê li ser herêmên Bakur û Rojhilatê Sûriyê meşek orgenîze kir. Bi sedan şêniyên Minbicê tev li meşê bûn.

CÎHAN - ROJHILATA NAVÎN

27 mijdar, 2019 15:59

MINBIC

Meş li ber nexweşxaneya Firatê li rojavayê bajêr destpê kir û li stada beledî li navenda bajêr bi dawî bû. meşvanan pankartên bi nivîsên `Bi hêza werzîşvanan em ê bi serkeftin û bi giyana werzîşî em ê faşîzma osmanî bişkînin` û `Bi giyana Şehîd Can Fîda em heya serketinê tê bikoşin` hildan.

Meş li stada beledî rawestî û veguherî mitîngê, mitîng bi deqeyek rêzgirtin destpê kir. piştre endamê rêveber ê Yekitiya Werzîşê ya Minbicê û gundewarê wê Zawer Yamzûq daxuyanî bi navê yekîtiyê xwend.

Daxuyanî wiha ye:

`Li gel zêdegaviyên Tirkiyê û çeteyên DAIŞ, El-Nusra û Mertala Firatê li ser axa me Bakur û Rojhilatê Sûriyê û dagirkirina her du bajaran Girê Spî û Serêkaniyê dagir kirin. Em vê êrişê red dikin.

Bi navê tevahiya werzîşvanan bi çalakiya xwe em ji cîhanê re diyar dikin ku em yek in û wek werzîşvan em piştgiriya xwe bi hêzên leşkerî, Hêzên Meclisa Leşkerî ya Minbicê re radighînin û heta qewirandina terorîstê dawî em bi wan re ne.`

Çalakî bi berzkirina dirûşmeyên silavkirina Berxwedana Rûmetê û dilsoziya bi şehîdan re bi dawî bû.

(şx)

ANHA