SANA: Pergala parastina asîmanî êrişên dijber yên li derdora Şamê şikand

SANA‘yê ragihand ku pergala parastinê ya girêdayî hêzên rejîma Sûriyê êrişa bi moşekan li dijî Şamê şikand.

20 mijdar, 2019 01:01

NAVENDA NÛÇEYAN

Çavkaniyek leşkerî ji ajansa nûçeyan a Sûriyê ya SANA`yê ya girêdayî rejîma Sûriyê re bi bîr xist ku îro di saet 01:20`yan de piştî nîvê şevê balafirên şer ên artêşa Îsraîlê ji Colan a dagirkirî û Merc Iyon a Lubnanê dora bajarê Şamê bi hejmarek moşekan kirine hedef.

Çavkanî wiha domand: "Yekser pergala parastina me ya asmanî êriş şikand û moşekên dijber beriya ku bighêjin armancên xwe rûxandin."

Her wiha heman çavkanî diyar kir ku xebat ji bo naskirina rewşê û diyarkirina ziyanan berdewam e.

Girêdayî heman mijarê ajansa Sputnik a rûsî ji nûçegihanê xwe yê li Şamê ragihand ku 3 balafirên îsraîlî bi nobetdarî hejmarek moşek ber bi dora paytexta Şamê ve avêtine.

Ajansê wiha domand: "Balafirên Îsraîlê moşek ji ser herêma Isbe El-Celîl li sêgoşeya sûrî, lubnanî û filistînî ve avêtine."

Tê bibîrxistin ku duh berbangê sibehê dora balafirgeha Şamê ya navdewletî bi êrişekê hatibû hedefgirtin.