‘Divê civaka navdewletî korîdorên mirovî veke da ku birîndaran derxin’

Şênî ji tevahî herêmên Teqa, Dêrazorê û Reqayê serdana konê çalakiyê ku li bajarokê Til Semin ê bi ser navçeya Eyn Îsa ya bakurê Reqayê ve ku di roja 6’an de hatiye vegirtin, kir. Şênî dijminatiya dewleta Tirk a dagirker û komkujiyên bi mafên şêniyên Bakur û Rojhilatê Sûriyê de pêk tînin, şermezar dikin.

Hevserokê Rêveberiya Xweser a Girê Spî Hemdan Ebid piştrast kir ku pêwîst e hevgirtin û yekparebûna tevahî şêniyên herêmên Bakur û Rojhilatê Sûriyê hebe ku li hember dijminatiya dewleta Tirk a dagirker bisekinin û îşaret pê kir ku divê dijminatî bê bidawîkirin û garantiya vegera koçberan li gund û bajarên ku bi zorê jê koçber bûne, pêk were.

Hevserokê Şaredariya Gel a Reşîdê Sened Ehmed wiha got: "Îro bi yek seknê li dijî dijminatiya ku ewlehî û aramiya welatê me dike hedef, em disekinin û nahêlin ne Tirkiye û ne jî ji bilî wê derbasî xaka ku bi xwîna şehîdan hatiye avdan, bibin."

Ehmed diyar kir ku QSD’ê cîhan ji terora DAIŞ’ê rizgar kir û dikare parastina gel ji dewleta Tirk a dagirker û çeteyên ku Tirkiyê bi pereyan kirîne, bike.

Hevserokê Rêveberiya Xweser a Demokratîk a Girê Spî Hemdan Ebid jî diyar kir ku rola ku şervanên QSD’ê li dijî dewleta Tirk a dagirker û çeteyên wê pêk tîne, bê hempa ye.

Ebid îşaret pê kir ku dewleta Tirk a dagirker komkujiyên pêk tîne û wek hovîtî bi nav kir. Ebid wiha lê zêde kir: "Heta dewleta Tirk a dagirker ji xaka me derdikeve û şênî vedigerin malên xwe, em têkoşîna xwe ranawestînin."

Xwepêşandêran piştrast kir ku divê civaka navdewletî tev bigere, êrîşên dewleta Tirk a dagirker rawestîne, lêpirsînê der barê komkujiyên bi mafên sivîlan de pêk anîne, bike û korîdorên mirovî li Serêkaniyê veke da ku şehîd û birîndarên di encama topbarana bêserûber de ji hêla dewleta Tirk a dagirker ve pêk hatiye, derxin.

(fr)