Şêniyên Efrînê berê xwe dan baregeha Rûsya

Bi hezaran şêniyan li navenda navçeya Til Rifet kom bûn û wêneyên şehîdan û birîndarên şer hildan.

Meş ji kolana sereke bi beşdarbûna girseya şêniyan û birîndarên şer dest pê kir û dirûşmeyên silavkirina berxwedana Bakur û Rojhilatê Sûriyê berz kirin, meş ji kolana sereke geriyan heta navenda baregeha Rûsya meşiyan.

Şênî li baregehê rawestiyan û bi esferên rejîma Sûriyê re axivîn û daxwaza rawestandina êrîşa dewleta Tirk li ser xaka Sûriyê re kirin.

Hevserokê Meclisa Kantona Şehbayê Îmad Dawûd axivî û wiha got: "Dewleta Tirk xaka Sûriyê û hemû pêkhateyên civakê dike hedefa xwe. Dagirkeriya Tirkiyê bi êrîşên xwe li ser Bakur û Rojhilatê Sûriyê li pişt xwe bi sedan qûrbaniyên sivîl pêk tîne û komkujiyan derheqê wan dike û hemû avahiyan û binesaziya herêmê wêran dike."

Dawûd wiha domand: "Bi salan e armancên dagirkeriya Tirkiyê di xaka Sûriyê de hene, da ku dagir bike û xêr û bêrên wê talan bike."

Dawûd di berdewama axaftina xwe de wiha got: "Em ji civaka navneteweyî û hikumeta Rûsya û Sûriyê daxwaz dikin ku êrîşên ser sivîlan rawestînin û sînaryoya Efrînê dûbare neke."

Meş bi dirûşmeyên şermezarkirina êrîşa Tirkiyê bidawî bû.

ANHA